गत वैशाख १ गते राष्ट्रपति विद्यादेवी भण्डारीको हातबाट मानपदवी थापेकी एक कर्मचारी दुई साता नबित्दै घुस सहित पक्राउ परेकी छिन् । उनी हुन लेखा पनेरु । जिल्ला मालपोत कार्यालय ताप्लेजुङका अधिकृतको रुपमा कार्यरत पनेरु डेढ लाख घुसरकमसहित पक्राउ परेकी छन् ।

Advertisement 1

अख्तियार दुरुपयोग अनुसन्धान आयोगले मालपोत अधिकृत पनेरुलाई एक लाख ५० हजार घुससहित पक्राउ गरेको हो । जिल्ला मालपोत कार्यालय ताप्लेजुङका प्रमुख मालपोत अधिकृत लेखा पनेरु महतलाई अख्तियारको टोलीले हिजो दिउँसो नियन्त्रणमा लिएको हो। टोलीले पनेरुलाई सोवाग्राहीबाट लिएको रु एक लाख ५० हजारसहित नियन्त्रणमा लिएको जनाएको छ । बाबुका नामको जग्गा दाखेल खारेज गरी नयाँ लगत दर्तासहित छोराका नाममा पास गरिदिएबापत सेवाग्राहीबाट रु एक लाख ५० हजार रकम लिएको अभियोगमा पनेरुलाई अख्तियारको टोलीले नियन्त्रणमा लिएको अख्तियारका प्रवक्ता श्यामप्रसाद भण्डारीले जनाएका छन्। फुङ्लिङ वडा नं ४ स्थित एक घरबाट सेवाग्राहीबाट लिएको रकम उक्त रकमसहित नियन्त्रणमा लिएको अख्तियारले जनाएको छ ।
गत साउन महिनाबाट चलाइएको यस प्रक्रियामा सम्बन्धित धनीलाई कागजात बुझाउन बाँकी रहेको अवस्थामा आर्थिक लेनदेन भएको प्रारम्भिक अनुसन्धानबाट खुलेको अख्तियारले जनाएको छ । पनेरुलाई गत वैशाख १ गतेमात्र राष्ट्रपति विद्यादेवी भण्डारीले प्रवल जनसेवा श्री चतुर्थबाट पुरस्कृत गरेकी थिइन् ।

तक्मा पाएपछि पनेरुले सामाजिक सञ्जालमा लेखेकी थिईन नेपाल सरकारको निजामती सेबामा रहेर नेपाली जनताको हित अभिबृद्धीको लागि गरेको योगदानको उच्च कदर गर्दै प्रबल जनसेवाश्री चतुर्थ श्रेणीबाट बिभूषित गर्नु भएकोमा सम्माननीय राष्ट्रपति विद्यादेवी भण्डारीज्यू प्रति हार्दिक आभार ब्यक्त गर्दछु।
मलाई यस बिभूषणको लागि उपयुक्त ठहराई सिफारिस तथा निर्णय गर्नुहुने श्रीमान् गृहसचिव टेक नारायण पाण्डेज्यू, श्रीमान् महानिर्देशक शेषनारायण पौडेल ज्यू लगायत सम्बद्ध सबैमा कृतज्ञता जाहेर गर्दछु। मलाई यहासम्म पुग्नको लागि हरतरहले साथ, सहयोग र हौसला प्रदान गर्ने मेरो मालपोत कार्यालय ताप्लेजुङका कर्मचारी साथीहरु, हाम्रा सेवाग्राही, शुभचिन्तक, सञ्चारकर्मी सहित मेरो परिवार र इष्टमित्र लगायत सबैलाई धन्यवाद दिन चाहन्छु। यस बिभुषणले मलाई आगामी दिनमा अझबढी जिम्मेवार र कर्तव्यनिष्ठ भई मुलुक र नागरिकको हितमा सेवा गर्न हर्ष र उल्लास प्राप्त भएको छ ।

Advertisement 2