कर्मचारीको हितमा हुने गरी संघीय निजामती सेवा ऐन ल्याउँछौं : मन्त्री बडू
सरकार निजामति सेवाका सबै कर्मचारीको हितमा हुने गरी संघीय निजामती सेवा ऐन ल्याउन कानुन, न्याय तथा संसदीय मामिला मन्त्री दिलेन्द्रप्रसाद बडूले प्रतिवद्ध गरेका छ्न ।
Advertisement 1
मन्त्री बडूले संसदबाट ऐन ल्याउने वातावरण नभएकोले अध्यादेशबाट भए पनि ऐन ल्याउने विषयमा छलफल भइरहेको र ऐनमा कर्मचारीका मागहरुलाई सम्बोधन गर्न सरकारले अधिकतम् प्रयास गर्ने बताए ।
नेपाल निजामती कर्मचारी युनियनको आठौं अधिवेशनबाट निर्वाचित केन्द्रीय पदाधिकारीसहितको प्रतिनिधिमण्डलसँग मंगलबार कानुन, न्याय तथा संसदीय मामिला मन्त्रालयमा भएको अन्तक्र्रियामा उनले कर्मचारी समायोजन, आन्तरिक प्रतिस्पर्धा, अनुमान योग्य बढुवा, व्यक्तिगत सम्बन्धले नभई कामको आधारमा कर्मचारीको कार्यसम्पादन मूल्यांकन गर्ने परिपाटी, श्रेणीविहिनदेखि सबै तहका कर्मचारीको सरोकारका विषयमा सरकार सचेत रहेको बताए ।
Advertisement 2
कार्यक्रममा युनियनका अध्यक्ष गोपाल पोखरेलले युनियनले विगत ४ वर्षदेखि संघीय निजामती सेवा ऐनमा समेट्नुपर्ने विषयमा पटक पटक उठाएको माग र अघिल्लो सरकारका पालामा काँग्रेसले उठाएका विषयहरु समेटेर ऐन आउनेमा आफूहरु विश्वस्त रहेको बताए ।
