–घनश्याम न्यौपने ‘परिश्रमी’
घरको कुनामा आफ्नो ठाउँ राख,
सक्छौ सधैभरी एकछिन कुनामा बस,
नभएपनि हप्ताको एकपटक ,
एक्लै भएर बस, शान्त।
कहिलेकाहीँ आगनमा निष्क ,
सबै ब्यस्तता छोडिदेउ,
र, विना अर्थ आकाश तिर हेर,
छेउछाउका रुखहरुलाई हेर ,
किराफट्यांग्राको चाललाई हेर,
बिरुवा हेर ,सुकेका रुख हेर,
माटोमा भर्खर उम्रदै गरेका बिज हेर ।
अलिकति समय निकालेर घरको छतमा निस्क,
आकाशका तारा गन,
एकछिन, नजान्ने बालक भै देउ,
खस्दै गरेको उल्कालाई हेर,
चन्द्रमा ,आकाशगङ्गा हेर,
अझ, परको गहन आकासलाई हेर।
भोकाएको बेला आफैं भान्छामा जाउ,
कति मिठा खानेकुरा, कहाँबाट आए,
उत्पादन गर्ने कृषकलाई आशीर्वाद देउ,
घाम, पानी, हावा ,माटो सम्झ,
धन्य हुन्, संसारको भोक मेटाउनेलाइ सम्झ,
धन्यबाद देउ , परिश्रमी हातहरुलाई सम्झ,।
फुर्सद निकालेर विनाकारण बाटोमा हिड,
बाटोमा हिडिराखेको बटुवाहरुलाई हेर ,
फरक(फरक मान्छेको व्यस्ततालाई हेर,
मानिसको तिर्खा हेर, मन हेर,
समय निकालेर सहयोग गर ,सेवा गर,
अर्कोलाई आफै भित्र राखेर हेर।
टाढा जानु पर्दैन,
देवताः ,ईश्वर ,तिमी त्यही पाउँछौ,
मन्दिर जानु पर्दैन,
कुनै नाम पुकार गर्नुपर्दैन,
बलि चढाउनु पर्दैन ,
भाका माग्नु पर्दैन
देख्छौ वरिपरि देवताहरू, मानवहरु, राक्षसहरु,
यात्रा गर्नुपर्दैन ,
तीर्थ गर्नुपर्दैन ,
तिम्रो वरिपरि तीर्थ छ ,
स्रष्टा र सिर्जना ,सृष्टि र पर्लय त्यही देख्छौं,
तिमीलाई सधै आशीर्वाद प्राप्त छ ,
कहिलेकाहीँ घरको कुनामा वस,
एकान्तमा बस,
एक्लै भएर बस,शान्त।

Advertisement 1

‘परिश्रमी’ नेपाली गजलकार हुन्। उनकोको जन्म २०१५ साल असार १४ गते गण्डकी अञ्चलको स्याङ्जा जिल्ला अन्तर्गत श्रीकृष्ण गण्डकी गा.वि.स.२ बलाम नित्यडा“डामा भएको हो।