उच्च अदालत पाटनले शाखा अधिकृतको विज्ञापन तत्काल कार्यान्वयन नगर्न अन्तरिम आदेश जारी गरेको छ। आयोगले गत मंसिर २९ खोलेको शाखा अधिकृतका पदमा २८४ जनाका लागि विज्ञापन खुलाएको थियो । आयोगले सामान्य प्रशासन, राजश्व, लेखा, लेखा परीक्षण, परराष्ट्र, न्याय, कानुन र सरकारी वकिलका लागि खुल्ला र ज्येष्ठता गरी २८४ सिटका लागि विज्ञापन खोलेको थियो ।

Advertisement 1

जस्को दरखास्त लिने प्रक्रिया चलिरहेकै बेला हिजो उच्च अदालत पाटनका न्यायधीश रामबहादुर थापाको एकल इजलासले शाखा अधिकृतको विज्ञापन प्रक्रिया पुस १८ सम्म यथास्थितिमा राख्न अल्पकालीन अन्तरिम आदेश दिएकोमा हिजो न्यायाधीश खुसीप्रसाद थारु र नवराज थपलियाको संयुक्त इजलासले गत १३ गते नै अल्पकालीन अन्तरिम आदेशलाई निरन्तरता दिएको हो ।
अहिले निवेदकलाई अन्याय नहुनेगरी गत मंसिर २९ गते आयोगले प्रकाशन गरेको विज्ञापनको प्रक्रिया अघि नबढाएर यथास्थितिमा राख्न पुस १३ गते नै अल्पकालीन अन्तरिम आदेशलाई निरन्तरता दिइएको आदेशमा उल्लेख छ।

संघीय मामिला तथा सामान्य प्रशासन मन्त्रालय र लोकसेवा आयोगका नाममा उच्च अदालत पाटनले शाखा अधिकृतको विज्ञापन तत्काल कार्यान्वयन नगर्न अन्तरिम आदेश जारी गरेको छ।

Advertisement 2

समान तहको पदको नतिजा सार्वजनिक नहुँदै समान पदमा विज्ञापन भएको देखिएकाले निजामती सेवा ऐन, २०४९ को दफा ७ को उपदफा ७ र उपदफा १० बमोजिम यकिन हुनपर्ने पसदंख्या समेतका आधारमा रिट निवेदनको अन्तिम किनारा नलागुञ्जेल यथास्थितिमा राख्न आदेशमा भनिएको छ।

लोकसेवा आयोगले २०७६ साल मंसिर २५ गते गरेको विज्ञापन बमोजिम अन्तिम नतिजा र योग्यताक्रम प्रकाशित नहुँदै २०७८ मंसिर २९ गते लोकसेवा आयोगले शाखा अधिकृतको विज्ञापन गरेको भन्दै मुद्दा दर्ता गरिएको थियो।