डेढ लाख घुस सहित  दुई जना पक्राउ परेका छन् । सर्लाही इश्वरपुर नगरपालिका वडा नं ११ का वडा सदस्यद्वय सोनेलाल साह रौनियार र उमेश राय अख्तियारको फन्दामा परेका हुन् । उनीहरुले ढलान सम्बन्धी काम सम्पन्न पश्चात उपभोक्ता समितिलाई घुस मागेको सूचनाको आधारमा अख्तियार दुरुपयोग अनुसन्धान आयोगको कार्यालय, बर्दिवासबाट खटि गएको टोलीले उनीहरुलाई नियन्त्रणमा लिइएको थियो ।

Advertisement 1

उनीहरुलाई भ्रष्टाचार निवारण ऐन, २०५९ को दफा ३ को उपदफा (१) को कसुर गरेकोले निजहरुलाई बिगो एक लाख पचाँस हजार रुपैयाँ कायम गरी भ्रष्टाचार निवारण ऐन २०५९ को दफा ३ को उपदफा (१) र दफा ३ को उपदफा (१) को खण्ड (घ) वमोजिम सजाय हुन मागदावी लिई अख्तियार दुरुपयोग अनुसन्धान आयोग ऐन, २०४८ को दफा १८ र दफा ३५ बमोजिम आज विशेष अदालत काठमाण्डौमा अरोपपत्र दायर गरिएको छ ।