बढुवा सिफारिस समितिको सोमबार र मंगलबार बसेको बैठकले ९ जना उपसचिवलाई सहसचिवमा बढुवाका लागि सिफारिस गरेको छ । समितिको सोमबार बसेको बैठकले ५ जना प्राविधिक सेवाका उपसचिवलाई सहसचिवमा बढुवाका निम्ति सिफारिस गरेकोमा हिजो बसेको बैठकले थप  ४ जना उपसचिवलाई सहसचिवमा बढुवाका लागि सिफारिस गरेको छ ।

Advertisement 1

समितिको मंगलबार बसेको बैठकले प्राविधिक सेवातर्फका ४ जना उपसचिवलाई सहसचिवमा बढुवाका लागि सिफारिस गरेको हो ।

सहसचिवमा बढुवा सिफारिस भएकाहरुमा नेपाल इञ्जिनियरिङ सेवा सिभिल इञ्जिनियरिङ समूह,हाइवे उमसमूहबाट अशोक तिवारी र रुपक राजभण्डारी रहेका छन् ।
यस्तै नेपाल इञ्जिनियरिङ सेवा सिभिल इञ्जिनियरिङ समूह,स्यानिटरी उपसमूहबाट कबीन्द्र विक्रम कार्की र उज्वल प्रजापति बढुवाका लागि सिफारिस भएका छन । चारै जना कार्यक्षमता मुल्यांकनका आधारमा बढुवा सिफारिस भएका हुन ।

Advertisement 2

यस अघि सोमबारमात्र थप ५ जना उपसचिव सहसचिवमा बढुवाका लागि सिफारिस भएका थिए । जसमध्ये नेपाल कृषि सेवा भेटनरी समूहतर्फबाट डा टंक प्रसाद प्रसाई जेष्ठता र कार्यसम्पादन मूल्याकनमा आधारमा बढुवाका लागि सिफारिस भएका हुन भने नेपाल इञ्जिनियरिङ सेवा,सिभिल इञ्जिनियरिङ समूहतर्फबाट चार उपसचिव सहसचिव बढुवाका लागि सिफारिस भएका छन् । जसमध्ये कुमार थापा,शंकर पण्डित,शम्भु कार्की र रामेश्वर मरहठ्ठा रहेका छन् । चारै जना कार्यक्षमता मुल्यांकनका आधारमा बढुवा सिफारिस भएका हुन ।