स्थानीय तहको निर्वाचन लड्नका लागि लड्नका लागि राजीनामा दिएका चार कर्मचारीमध्ये तीन जनाले टिकट पाएका छन् भने एक जना उपसचिवले टिकट पाएनन । उपसचिव तहका दुई जना र अधिकृत तहका दुई गरी चार जना कर्मचारीहरुले सरकारी सेवाबाट राजीनामा दिएर पालिकाको उम्मेद्धार बन्न मैदानमा निस्किएका थिए । गत चैत्र २४ गते नै अधिकृत कञ्चनराज गिरीले पदबाट राजीनामा दिएका थिए । उनको राजीनामा स्वीकृत पनि भयो । उनी स्वतन्त्र रुपमा वनेपाबाट मेयरका उम्मेद्धार बनेका उनी चुनावी प्रचार प्रसारमा होमिसकेका छन् । गिरी २१ पटकसम्म लोकसेवा भिडेर असफलता झेलेका र २२ औं पटकमा अधिकृतमा नाम निकाल्न सफल भएका व्यक्ति हुन जो कालीगण्डकी ए जलविद्युत आयोजनामा प्रशासन प्रमुखको रूपमा कार्यरत रहँदै आएका थिए । उनले सरकारी जागिर खाएको ४ महिना २४ दिनमै राजीनामा दिएका थिए ।
गिरीझैं संघीय मामिला तथा सामान्य प्रशासन मन्त्रालयका उपसचिव बिष्णुप्रसाद भुषालले पनि राजीनामा दिएर चुनावमा उठ्ने तयारी गरिरहेका थिए । भुषाल संघीय मामिला तथा सामान्य प्रशासन मन्त्रालयमा विगत एक महिनादेखि अतिरिक्त समूहमा छन् । नौ बर्ष अघि नै उपसचिवमा बढुवा भएका भुषालसँग १२ बर्ष स्थानीय तहमै काम गरेको अनुभव छ । उनी नवलपुरको देवचुली नगरपालिकाको मेयर लड्न लागेका थिए । नवलपुरको देवचुली नगरपालिकामा मेयर लड्न भन्दै उपसचिवबाट राजीनामा दिएको बताए पनि संघीय मामिला तथा सामान्य प्रशासन मन्त्रालयका सचिव सुरेश अधिकारीले भने उनले राजीनामा बुझाएको बारेमा आफूलाई थाहा नभएको प्रतिक्रिया दिएका छन् । इकर्मचारीले बिष्णुप्रसाद भुसालका बारेमा जिज्ञासा राख्दा सचिव अधिकारीले उल्टै प्रश्न गरे,टिकट पाए र उनले ? मैले त उनले दिएको राजीनामा पत्र देखेकै छैन । भुषालले राजीनामा बुझाएर मेयरका उमेद्धार बन्न लागेको भनिए पनि काँग्रेसले उनलाई टिकट नै नदिएको पाइएको हो । देवचुली नगरपालिकाका काँग्रेसले अशोक बस्ताकोटीलाई मेयर उम्मेदवार बनाएको छ। निजामती सेवामा २२ वर्ष बिताएका भुसालले नेपाली कांग्रेसबाट उम्मेदवार बन्ने बताएका थिए ।

Advertisement 1

यसैबीच लामो समय नेपाल आयल निगममा कार्यरत रहेका गोपालचन्द्र राईले पनि राजीनामा दिएर राजनीतिमा होमिएका छन् ।
लोक सेवा आयोगले लिएको परीक्षाबाट ०६९ सालमामा नेपाल आयल निगमको इन्धन डिपो धनुषाबाट शुरु गरेको स्थायी जागिरे जीवन प्रारम्भ गरेका राई ७९ साल वैशाख ९ गते उनले अधिकृत सातौ तहबाट राजीनामा दिएर राइ खोटाङको दिप्रुङ चुइचुम्मा गाउँपालिकाबाट अध्यक्षमा भिड्दैछन्,माओवादी कोटाबाट ।