एउटा बिराउने,अर्काेलाई पिराउने यस्तै भएको छ अहिले ।अख्तियारले एक जना सहसचिवविरुद्ध भ्रष्टाचार मुद्धा दायर गर्दा अर्काे सहसचिवमाथि तनाव आइलागेको हो । नाम,थर र पद मिल्दा एक जना सहचिवविरुद्ध अख्तियारले भ्रष्टाचार मुद्धा दायर गर्दा अर्काे सहसचिवमाथि टण्टो आइलागेको हो ।

Advertisement 1

अख्तियार दुरुपयोग अनुसन्धान आयोगले मधेस प्रदेश सरकारले सञ्चालन गरेको बेटी पढाऊ, बेटी बचाऊ कार्यक्रममा १० करोड ३३ लाख भ्रष्टाचार भएको निष्कर्ष निकाल्दै विशेष अदालतमा मुद्धा दायर गरेको छ । अख्तियारले तत्कालीन प्रदेश सचिव यामप्रसाद भुसालसहित ८ जनाविरुद्ध भ्रष्टाचार मुद्दा दायर गरेको छ।तत्कालीन मधेश प्रदेशका मुख्यमन्त्री कार्यालयका यामप्रसाद भुसालमाथि भ्रष्ट्राचार मुद्धा दर्ज हुँदा हाल बाग्मती प्रदेशको मुख्यमन्त्री तथा मन्त्रिपरिषद्का कार्यालयमा कार्यरत सचिव यमलाल भुषालमाथि तनाव आइलागेको हो ।

अख्तियारले तत्कालीन प्रदेश सचिवसहित सिनियर डिभिजन इन्जिनियर भगवान् झा, सह लेखापाल राजाराम मण्डल, जिन्सी शाखाका शाखा अधिकृत रामस्वार्थ महतो र भण्डार शाखाका खरिदार जित मोहनकुमार दासलाई प्रतिवादी बनाएर आयोगले बुधवार विशेष अदालतमा मुद्दा दायर गरेको हो।

Advertisement 2

अख्तियारले ओमसत्य साई प्राली वीरगन्जकी म्यानेजिङ डिरेक्टर रेनु अग्रवाल, बोलपत्र मूल्याङ्कन समितिका अध्यक्ष दिलीपकुमार प्रधान र सदस्य सचिव सुरेन्द्रकुमार कर्णलाई समेत प्रतिवादी बनाएको छ।

मुख्यमन्त्री तथा मन्त्रिपरिषद् कार्यालयका तत्कालीन प्रदेश सचिव भुसालले गुणस्तरहीन लेडिज साइकलको आपूर्ति स्वीकार गरेर रकम भुक्तानी गरी प्रदेश सरकारलाई १० करोड ३३ लाख नोक्सानी पुर्‍याएको आयोगको दाबी छ।

अख्तियारले प्रदेश सचिव भुसाल, जलस्रोत तथा सिँचाइ विकास डिभिजन कार्यालयका सिनियर डिभिजन इन्जिनियर भगवान् झा, सह लेखापाल राजाराम मण्डल र साइकल आपूर्ति गर्ने कम्पनी ओम सत्य साई प्रालीकी म्यानेजिङ डिरेक्टर रेनु अग्रवालसँग १० करोड ३३ लाख ७ सय ५८ रुपैयाँ बिगो माग दाबी गरेको छ।

अख्तियारको अनुसन्धानबाट दुई शीर्षकमा २० करोड ९२ लाख अनियमितता भएको आयोगको अनुसन्धानबाट खुलेको हो । जसमा पहिलो शीर्षकमा १० करोड ५९ लाख र दोस्रो शीर्षकमा १० करोड ३३ लाख तलमाथि भएको उल्लेख छ । यो मुद्धामा जोडिएका भुसाल चाहिँ ३ महिनादेखि सँघीय मामिला मन्त्रालयको जगेडामा छन् । यता यो प्रकरणमा जोडिएका सहसचिव यामप्रसाद भुसालमाथि मुद्धा चल्दा अर्का सहसचिव यमलाल भुसालमाथि तनाव आइलागेका छ ।
कतिपय सञ्चारमाध्यमले हाल बाग्मती प्रदेशका सचिवका रुपमा खटिएका यमलालको तस्विर सार्वजनिक गरिदिएपछि उनलाई तनाव आइलागेको हो ।