अधिवक्ताको लिखित परीक्षामा ९६७ विद्यार्थी उत्तीर्ण
काठमाडौं । अधिवक्ताको लिखित परीक्षामा ९६७ विद्यार्थी उत्तीर्ण भएका छन् । विभिन्न विश्वविद्यालयबाट ९४५ जना र खुल्ला विश्वविद्यालयबाट २२ गरी ९६७ जना लिखित परीक्षा उत्र्तीण विद्यार्थीले अब मौखिक परीक्षा पनि उत्तीर्ण गर्नुपर्नेछ ।
Advertisement 1
नेपाल बार काउन्सिलले लिएको ३१ औँ अधिवक्ताको लाइसेन्ससम्बन्धी परीक्षामा ९४५ जना उत्तीर्ण भएका हुन् । उनीहरूको मौखिक परीक्षा चैत दुई गते शुक्रबार हुने काउन्सिलले जनाएको छ ।
Advertisement 2
त्यस्तै नेपाल खुला विश्वविद्यालयबाट कानूनमा स्नातक (एलएलबी)का लागि जम्मा ७५ परीक्षार्थीमध्ये थोरै संख्यामा अर्थात २२ जनाले मात्रै लिखित परीक्षा उत्तीर्ण गरेका छन् । उनीहरूका लागि चैत १४ गते अन्तरवार्ताको मिति तय गरिएको छ ।
अन्तरवार्तामा उत्तीर्ण भए औपचारिकरुपमा उनीहरू अधिवक्ता बन्नेछन् । नेपाल कानून व्यवसायी परिषद् (बार काउन्सिल)ले हरेक वर्ष अधिवक्ताको लाइसेन्सका लागि परीक्षा लिने गरेको छ । लिखित र मौखिक परीक्षा उत्तीर्ण गर्ने परीक्षार्थीले अधिवक्ताको लाइसेन्स लिन पाउँछन् ।
