हराएका प्रहरी खोज्दै प्रहरी हेर्डक्वाटर

प्रहरी प्रधान कार्यालय नक्साल लामो समयदेखि सम्पर्कबिहिन भएका प्रहरीको खोजीमा लागेको छ । प्रहरी प्रधान कार्यालयले आज एक सूचना प्रकाशन गर्दै लामो समयदेखि कार्यालयमा हाजिर नभएका १० जना प्रहरी नायब निरीक्षकका नाममा सात दिने अल्टिमेटम दिएको छ ।
कार्यालयले सम्पर्कविहीन भएका प्रहरी नायब निरीक्षक रामबहादुर प्रसाद, प्राविधिक प्रहरी जवान हरिप्रसाद आचार्य, प्रहरी जवान महेन्द्र गिरी, पदमबहादुर ठकुल्ला, नारायण थापा मगर, महेश चन्द, धर्मेन्द्र कुमार यादव, प्रहरी कार्यालय सहयोगी शंकर मरिक, कादिर अंसारी र जीवन थापासहित १० जनाका नाममा सात दिनभित्र कार्या लयमा हाजिर हुन अल्टिमेटम दिएको छ ।

Advertisement 1

सूचनामा भनिएको छ, आफूखुसी कार्यालयमा गैर हाजिर रहेका र खोजतलास गर्दा तथा सूचना टाँस्दा पनि हाजिर हुन नआएका दश जना प्रनानि बाटोको म्याद बाहेक सात दिनभित्र आफू गैर हाजिर हुनुको कारण खोली सन्तोषजनक स्पष्टीकरण जवाफसहित हाजिर हुन आउनु ।