अब स्थानीय र प्रदेशमा सेवा गरेपछि मात्रै बढुवा
कर्मचारीहरुमा तल्ला तह (प्रदेश र स्थानीय तह)मा जान अनिच्छुक देखिएसँगै संघीय मामिला तथा सामान्य प्रशासन मन्त्रालयले तल्ला तहमा गएर काम गरेपछि मात्र बढुवा गर्ने व्यवस्था गर्ने लागेको छ । मुलुक संघीयतामा गएको यतिका बर्ष व्यतित हुँदा समेत कर्मचारीहरुमा संघ छोड्नै नमान्ने र स्थानीय र प्रदेश तहमा जानै नमान्ने प्रवृत्ति बढ्दै गए पछि त्यसलाई रोक्न भन्दै सामान्यले स्थानीय र प्रदेशमा सेवा गरेपछि मात्रै बढुवा गर्ने कानुनी व्यवस्था लागू गर्न लागेको हो ।
Advertisement 1
अध्यादेशमार्फत ल्याउन लागिएको संघीय निजामती सेवा ऐनमा यस्तो व्यवस्था गर्न लागिएको संघीय मामिला तथा सामान्य प्रशासन मन्त्रालय स्रोतले जनाएको छ । तल्ला तहमा कर्मचारीहरु जानै नमान्ने भएका कारण सो प्रवृत्ति रोक्न र कर्मचारीको मनोबल बढाउनका लागि यस प्रकारको व्यवस्था गर्न लागिएको सामान्यले जनाएको छ ।
सामान्यले तल्ला तहमा भर्खरै लोकसेवा उत्र्तीण गरेका कर्मचारी पठाउँदा सेवा प्रवाह र कार्यसम्पादनसमेत प्रभावकारी नभएको निष्कर्ष निकाल्दै ती तहमा अनुभवी तथा दक्ष कर्मचारी पठाउनका लागि यस्तो व्यवस्था गर्न लागेको मन्त्रालयका सह सचिव राजिव पोखरेलले जनाए ।
अध्यादेशमा साहाक सचिव र साहायक उपसचिव पदको व्यवस्था गर्न लागिएको हो । साहायक सचिव पद बनाएर तिनलाई प्रदेशमा पठाउने र सहायक उपसचिव पद बनाएर तिनलाई स्थानीय तहको प्रमुख प्रशासकीय अधिकृत बनाउने गरी छलफल अघि बढेको संघीय मामिला तथा सामान्य प्रशासन मन्त्रालय स्रोतले जनाएको छ ।
सामान्यका सह सचिव पोखरेलका अनुसार अब कम्तीमा ५ वर्ष शाखा अधिकृतका रूपमा सेवा प्रवाह गरिसकेको तर उपसचिव पदमा बढुवा भइनसकेको शाखा अधिकृत र उपसचिवको बीचमा छुट्टै पद निर्माण गरी ती कर्मचारीलाई स्थानीय तहमा प्रमुख प्रशासकीय अधिकृतको बनाएर पठाइनेछ ।
Advertisement 2
यस्तै पाँच वर्षसम्म सहसचिव भई सेवा गरिसकेका सहसचिवलाई विशेष सहसचिवको पद निर्माण गरी तिनलाई प्रदेश सचिवको जिम्मेवारी प्रदान गर्ने गरी सामान्यले गृहकार्य गरिरहेको छ ।
