महालेखा नियन्त्रकको कार्यालयले एकै पटक ७३ जना लेखा अधिकृतहरुको सरुवा गरेको छ । दशैं विदा सकिएर कार्यालय खुलेकै दिन अस्ति आइतबार एकै पटक ७३ जना अधिकृतहरुको सरुवा गरिएको हो ।

Advertisement 1

महालेखा नियन्त्रक सुमनराज अर्याल, सहसचिव नवराज ढुंगाना र उपसचिव प्रकाश पुडासैनीले गरेको सरुवाप्रति कर्मचारीहरुले असन्तृष्टी पोख्न थालेका छन् । जेष्ठता,योग्यता लगायतका मापदण्डलाई कुल्चदै जुनियर कर्मचारीलाई आकर्षक ठाउँमा पठाइएको र सिनियरको मानमर्दन गरिएको भन्दै कतिपय अधिकृतहरुले सरुवाप्रति चित्त दुखाएका छन् । कतिपय अधिकृतहरुले मापदण्डको धज्जी उडाउँदै अधिकृतहरुको सरुवा गरिएको भनेर विरोध गर्न थालेका छन ।
पर्सनल इन्फरमेसन सिस्टम (पीआईएस)मा सिनियरहरूलाई बेवास्ता गरी जुनियरलाई आकर्षक एवं मागेकै ठाउँमा पठाइएको भन्दै उनीहरुले चित्त दुखाएका छन् ।

Advertisement 2

महालेखा नियन्त्रकले हिजैमात्र ३३ सहलेखापालको सरुवाको सूची सार्वजनिक गरेको छ ।