सरकारले प्राविधिक तर्फका सहसचिव गोपालप्रसाद सिग्देललाई सचिवमा बढुवा गर्ने निर्णय गरेको छ । आज प्रधानमन्त्रीको सरकारी निवास बालुवाटारमा बसेको मन्त्रीपरिषद्को बैठकले गोपालप्रसाद सिग्देललाई सचिवमा बढुवा गर्ने निर्णय गरेको हो । बुधबार बसेको सचिव बढुवा सिफारिस समितिले बढुवाका लागि सिग्देलको मात्र नाम सिफारिस गरेको थियो । सोही आधारमा बिहिबारको क्याविनेटले सिग्देललाई सचिवमा बढुवा गर्न निर्णय गरेको हो । सिग्देल २० प्रतिशत (जेष्ठता)का आधारमा सचिवमा बढुवा भएका हुन ।
यस्तै आजको क्याविनेटले जेनेभामा आयोजना हुने डब्ल्यूटिओको १२ औँ मन्त्रीस्तरीय सम्मेलनमा उद्योग वाणिज्य तथा आपूर्ति मन्त्रालयलाई भाग लिन स्विकृत दिने निर्णय समेत गरेको छ ।
यस्तै सरकारले विभिन्न मन्त्रालयअन्तर्गतका विकास आयोजनाका लागि अस्थायी दरबन्दी स्विकृत गर्ने निर्णय समेत गरेको छ ।