सरकारले दुई जना सचिवहरुको सरुवा गरेको छ । मंगलबार बसेको क्याविनेट बैठकले सञ्चार तथा सूचना प्रविधि मन्त्रालयका सचिव कृष्ण बहादुर राउतलाई राष्ट्रिय प्राकृतिक स्रोत तथा वित्त आयोगमा पठाएर उक्त आयोगमा कार्यरत सचिव रामकृष्ण सुवेदीलाई सञ्चार मन्त्रालयमा सरुवा गर्ने निर्णय गरेको हो ।

Advertisement 1

सञ्चार मातहतका विभिन्न निकायको खरिद र ठेक्का प्रकरणको विवाद उत्कर्षमा पुगेको समयमा सचिव राउतलाई सञ्चारबाट आयोगमा पठाउने निर्णय भएको हो । मन्त्री रेखा शर्मासँगको टसलका कारण सचिव राउतलाई १० महिनामै त्यहाँबाट सरुवा गरिएको बताइन्छ । ललिता निवास जग्गा प्रकरणमा पक्राउ सचिव राउत सर्वोच्चको आदेशसँग पुन काममा फर्किएका थिए ।

केही अघि ललिता निवासको जग्गा प्रकरणमा मुछिएर एयरपोर्टबाट समाइएका सचिव राउत निर्णय क्षमतामा कमजोर सचिवका रुपमा चिनिन्छन् । यस्का अलवा नेपाल टेलिकमको नयाँ बिलिङको ठेक्का प्रकरणमा मन्त्री र सचिवबीच लफडा रहेको बताइन्छ । झण्डै साढे अर्बको रुपैयाँको ठेक्का मन्त्रीको सचिवालयले चिनियाँ कम्पनीलाई दिलाउन जोडबल गर्दै आएको छ। सोही कारण मन्त्री र सचिवबीच टसल रहेको मन्त्रालय स्रोतको भनाई छ ।