उपसभामुख पुष्पा भुसालले अर्काे बर्षको निजामती सेवा दिवससम्ममा संघीय निजामती सेवा ऐन आउने बताउनु भएको छ । निजामती सेवा दिवस २०७९ को अवसरमा अर्घाखाँचीमा आयोजित विभिन्न कार्यक्रमलाई सम्बोधन गर्ने क्रममा उहाँले ०८० सालको भदौ २२ गतेसम्ममा संघीय निजामती सेवा ऐन आउने बताउनु भएको हो ।

Advertisement 1

संघीयता कार्यान्वयनको एक खम्बा प्रशासनिक संघीयता यही कानुन नआउनाले हुन नसकेको कुरा स्विकार गर्दै कर्मचारीहरुमा मनोबल गिरेको, संघीयताको मूल मर्म कार्यान्वयन हुन नसकेको कुरा बताउनु भयो ।

साथै सार्क राष्ट्रमा सबै भन्दा कम तलब र अन्य सेवा सुविधा भएको राष्ट्रमा हाम्रो मूलुक पर्छ, शुसान र विकासमा टेवा पुर्याउनको लागि कर्मचारीहरुमा सकरात्मम उत्प्रेरणाको रुपमा काम र काम अनुसारको तलब र सुविधाको साथै तीन तहमा कार्यरत कर्मचारीलाई शासन गर्ने कानुन बनाउन ढिला भएको कुरा स्विकार गर्दै संविधानको कार्यान्वयनमा समेत बाधा पुगेको र त्यसैको लागि पावर शेयरिङ्गको विषयलाई मजवुत र व्यवस्थित बन्न पनि संघीय निजामती सेवा ऐन आउनु पर्ने कुरा व्यक्त गर्नु भयो ।
सन्धिखर्कमा आयोजित शुभकामना आदान प्रदान तथा पुरस्कार वितरण कार्यक्रमा प्रमुख अतिथिको रुपमा बोल्दै जिल्लाको विकास निर्माण तथा कर्मचारीको बारेमा सहयोग र सदभाव सधै रही रहने बताउनु भएको थियो ।
कार्यक्रममा बोल्ने वक्त्ताहरुमा कर्मचारी मिलन केन्द्रका अध्यक्ष सन्तोष खनाल, आधिकारीक ट्रेड युनियनका अध्यक्ष कृष्ण वर्मा, सन्धिखर्क नगरपालिकका नगरप्रमुख कृष्ण प्रसाद श्रेष्ठले निजामती सेवाको अवसरमा सम्पूर्ण कर्मचारीहरुलाई शुभकामना प्रदान गर्नु भएको थियो ।
कार्यक्रममा निजामती सेवा दिवसको अवसरमा आयोजित विभिन्न प्रतियोगिताका बिजेताहरुलाई पुरस्कार तथा प्रमाण पत्र वितरण गरिएको थियो । कार्यक्रम प्रमुख जिल्ला अधिकारी शशीधर घिमिरेको अध्यक्षता, उप सभामुख पुष्पा भुसालको प्रमुख आतिथ्यता र मिलन केन्द्रका सचिव गणेशराज पौडेलको संचालनमा सम्पन्न भएको थियो ।