दसैँ बिदा सकिँदा पनि सुनसान सिंहदरवार
बिहीबारदेखी दसैं विदा सकिए पनि सरकारी कार्यालयहरु भने सुनसान रहेका छन् । चार दिन दखि सरकारी कार्यालय खुल्ला भए पनि सरकारी कर्मचारी नआउँदा कार्यालयहरू सुनसान देखिएका हुन् ।
Advertisement 1
दसैं मनाउन कर्मचारी घर गएका कारण कार्यालयहरु सुनसान भएका छन् भने मन्त्री, नेता र कर्मचारीहरु घरबाट नफर्कँदा सिंहदरवार पनि सुनसान बनेको छ । दसैंको बिदा सकिएर सरकारी कार्यालयहरु खुल्न थालिसक्दा सिंहदरवारमा भने चहलपहल त्यत्ति बाक्लो देखिएको छैन ।
सोमवार सिंहदरबारमा मानिसहरुको आवतजावत निकै कम देखिएको छ । हाल मन्त्रालयमा सिमित कर्मचारीहरुलाई मात्रै देख्न तथा भेट्न सकिन्छ। दैनिक हजारौँको संख्यामा मानिसहरु सिंहदरवार प्रवेश गर्ने भएपनि अहिले फाट्टफुट्ट मात्रै मानिसहरु र सवारी साधनहरु देख्न सकिन्छ।
Advertisement 2
केही सेवाग्राहीहरु विभिन्न काम लिएर सम्बन्धित मन्त्रालयमा पुगेका भेटिए । यसैगरी सरकारी संस्थान र मातहतका निकायहरुमा पनि आज कर्मचारीहरुको उपस्थिति न्यून रहेको छ । नेपाल टेलिकम, नेपाल विद्युत प्राधिकरण, नागरिक उड्डयन प्राधिकरण, नेपाल खाद्य संस्थानलगायतका कार्यालयहरुमा पनि बढी तल्लो तहका कर्मचारी र कार्यालय सहायकहरु मात्र देखिन्थे । त्यस्तै वित्तीय संस्थानहरु राष्ट्रिय वाणिज्य बैंक, कृषि विकास बैंक, राष्ट्रिय बिमा संस्थानलगायतका कार्यालयमा पनि तुलनात्मक रुपमा चहलपहल कम छ ।
