संघीय मामिला तथा सामान्य प्रशासन मन्त्री अमनलाल मोदीले आफू मन्त्री पदमा ६ महिना २७ दिन रहँदाको प्रगति विवरण सुनाउने भएका छन् ।

Advertisement 1

गत ३ माघ २०७९ मा संघीय मामिला तथा सामान्य प्रशासन मन्त्रीमा नियुक्त भएका अमनलाल मोदीलाई प्रधानमन्त्री प्रचण्डले हिजो मन्त्रीबाट फिर्ता बोलाएका थिए ।
मन्त्री पदमा ६ महिना २७ दिन रहँदा गरेका प्रशासन सुधारका यत्नलाई आजै बिहान १० साढे बजे सिंहदरबारमा सार्वजनिक गरेर उनी घर फर्कन लागेका हुन । संघीय मामिला तथा सामान्य प्रशासन मन्त्रालय जनमत पार्टीको अनिता साहले हाक्दैछिन् । उनको शपथ सोमबार विहान १० बजेलाई तोकिएको छ ।

मन्त्री मोदीले नवनियुक्त मन्त्री अनितालाई स्वागत गर्ने तथा आफ्नो ७ महिने प्रगति विवरण सार्वजनिक गरेर सिंहदरबारबाट बाहिरिन लागेका हुन ।

Advertisement 2

मोदीले मन्त्रीको जिम्मेवारीमा रहँदा संघीय निजामती सेवा ऐन–कानुन निर्माणको काममा तिव्रता दिएका थिए । संघीय मामिला तथा सामान्य प्रशासन मन्त्रालयले संघीय निजामती विधेयक तयार गरी सहमतिका लागि अर्थ र कानुन न्याय तथा संसदीय मामिला मन्त्रालयमा पठाइसकेको थियो । मोदीले यो विद्येयक यसै साता क्याविनेटमा पठाउने बताउँदै आएका थिए ।
यस्का अलवा स्थानीय तहमा प्रमुख प्रशासकीय अधिकृत खटाउने काम तिव्र रुपमा गर्दै थिए । मोदी सामान्य प्रशासन मन्त्रीको रुपमा इन्ट्री हुँदा २ सय ७० भन्दा बढी स्थानीय तहमा प्रमुख प्रशासकीय अधिकृत रिक्त थिए । उनले तीमध्ये १ सय ६६ स्थानीय तहमा प्रमुख प्रशासकीय अधिकृत खटाएका थिए ।
यस्का अलवा कर्मचारी व्यवस्थापनको काम तिव्ररुपमा गर्दै थिए मोदीले । उनले सामान्यका सहसचिव बलराम रिजाल संयोजकत्वमा सहसचिव हेमराज तामाङ, उपसचिवहरू महेन्द्रप्रसाद साँखी, खिलराज राई र कमानसिं थापामगर सदस्य थिए । उक्त समितिले १० साउनमा मोदीलाई प्रतिवेदन बुझाएको थियो ।

समितिको सुझावअनुसार सिंहदरबारमा जरा गाडेर बसेका कर्मचारीहरुलाई दुर्गममा र दुर्गममा कार्यरत कर्मचारीहरुलाई सिंहदरबारमा ल्याउने काम तिव्र रुपमा गर्दै थिए ।