अनिलमाथि आइएजिओ/ एनजिओका कर्मचारी च्यापेको आरोप
राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख अनिल पोखरेलले आइएनजिओ र एनजिओको कर्मचारी च्यापेको आरोप लाग्न थालेको छ । प्राधिकरणमै कार्यरत एकाथरी कर्मचारीहरुले यस्तो आरोप लगाएका हुन ।
Advertisement 1
पोखरेलले निजामती सेवाका कर्मचारीलाई भन्दा एनजिओ र आइएनजिओका कर्मचारीलाई बढी मन पराउने गरेको उदाहरण पेश गर्दै एक अधिकृतले सचिवालयमा कार्यरत दुई शाखा अधिकृतलाई लिन सकिने बताए । दुवै शाखा अधिकृतले कार्यकारी प्रमुखको काम र व्यवहार राम्रो नभएको कारण आफ्नो पहलमा सरुवा माग गरी प्राधिकरण छोडेर अन्यत्र सरुवा भइसकेका छन् ।
यता उनीमाथि प्राधिकरणको स्रोत साधनको दुरुपयोगको आरोप समेत लाग्न थालेको छ । पोखरेलले आफ्नो भ्रमण आदेशमा आफैंले सही गरी रकम भुक्तानी लिने गरेकोदेखि सवारी साधन र हलुका सवारी चालकको दुरुपयोग गरेको आरोप प्राधिकरणकै एकाथरी कर्मचारीहरुको आरोप छ ।
Advertisement 2
प्राधिकरणको सवारी साधन र हलुका सवारी चालकलाई दिनभरघरायसी कामको लागि प्रयोग गर्ने गरेको र कार्यालयको कामलागि तोकिएका हलुका सवारी चालकलाई समेत घरको काममा लगाउने गरेको आरोप एकाथरी कर्मचारीहरुले लगाउने गरेका छन् । उनीमाथि तोकिएको सेवा सुविधा भन्दा निकै बढी इन्धन सुविधा लिन थालेको र अन्य कर्मचारीको इन्धन सुविधा कटौती गरेपछि प्राधिकरणका कर्मचारीहरु पोखरेलसँग फायर भएको बताइन्छ ।
प्राधिकरणका कार्यकारी निर्देशक अनिल पोखरेलले इकर्मचारी डटकमले यी बिषयमा जिज्ञासा राख्दा यसलाई गलत अफवाह भएको जबाफ फर्काएका छन् ।
Advertisement 3
हालै सम्पन्न भएको कार्यकारी समितिको बैठकमा समेत उपप्रधान एवम् गृह मन्त्रीले प्रश्न गर्दा जवाफ दिन नसकेर सहसचिव रुद्रसिंह तामाङले कार्यकारी प्रमुखको बचाउ गर्दै बोल्नु परेको थियो । कार्यालयको काम गरे पो कसरी ब्रिफ गर्ने भन्ने आउँछ खाली आइएनजिओको काम गरी कताबाट पैसा ल्याउने र कमाउन सकिन्छ भन्ने चिन्तन भए पछि कसरी के बोल्न जान्नु ? ती कर्मचारीले आक्रोश थपे ।
तातो हावा चलेर तराईमा लु चलिरहेको छ । बाढी पहिरोले उतिकै विनाश निम्त्याइ रहेको छ । यस्को कसरी व्यवस्थापन गर्न सकिन्छ भन्ने चिन्ता छैन कार्यकारी प्रमुखलाई कताबाट कसरी पैसा तान्न सकिन्छ भन्ने मात्र चिन्ता देखिन्छ । कार्यक्रममा पैसा त ल्याउनु होला काम चै के गर्नु हुन्छ ? भन्दै मन्त्रीले सोध्दा उनी कालो निलो भएका थिए । पछि कार्यकारीको तयारी नै पुगेको रहेनछ । कार्यविधि स्वीकृति गर्ने विषयमात्र टुङ्ग्याउ भन्दै बैठक सकाएर मन्त्री नारायणकाजी श्रेष्ठ बैठकबाट उठेका अर्का कर्मचारीले जानकार दिएका छन् ।
