प्रदेशमा समायोजन भएका र प्रदेश लोकसेवा आयोगवाट शिफारिश भएका निजामती कर्मचारीको अव प्रदेशमै व्यक्त्त्तीगत अभिलेख राखिने भएको छ । राष्ट्रीय कितावखाना र वागमती प्रदेश सरकारबीच वुधवार संघीय मामिला तथा सामान्य प्रशासन मन्त्रालयमा भएको समझदारी अनुसार यस्तो व्यवस्था गर्न लागिएको हो ।

Advertisement 1

संघीयता कार्यान्वयन तथा कर्मचारी समायोजनको महत्वपूर्ण विषयका रुपमा थांती रहेको प्रदेश कितावखानाको अवधारणाले अव मूर्त रुप पाएको छ । यससंगै व्यक्तीगत विवरण राख्न नसकीएका हजारौ कर्मचारीको विवरण अपडेट हुने भएको हो । उत्त समोदारीपत्र आदान प्रदान कार्यक्रममा वोल्दै सामान्य प्रशासन मन्त्री अमनलाल मोदीले प्रदेशमा रहेका तथा स्थानिय तहमा खटीएका कर्मचारीको व्यक्त्तीगत विवरण प्रदेशले राख्ने व्यवस्थाले संघीयता कार्यान्वयनको एक चरण पुरा भएको वताए । उनले कर्मचारी व्यवस्थापनका वांकि काम क्रमश पुरा गरदै जाने वताए । वागमती प्रदेश सरकारका प्रमुख सचिव मुकुन्द निरौलाले प्रदेश पिआइएस प्रभावकारी ढंगले राखिने र अन्य प्रदेशलाइ समेत उदाहरणीय कार्य गरेर देखाउने प्रतिवद्धता व्यक्त गर्नु भयो । समझदारीपत्रमा कितावखानाका महानिर्देशक डा। टोकराज पाण्डे र प्रदेश सिचव निश्चलराज पाण्डेले हस्ताक्षर गरेका थिए ।

हाल निजामती सेवामा झण्डै ९० हजार कर्मचारी कार्यरत रहेका छन । जसमध्ये प्रदेश र स्थानीय तहमा समायोजन भएका तथा पछि पदपूर्ती भएका झण्डै २५ हजार कर्मचारी रहेका छन । कितावखानाका अनुसार अव क्रमश सबै प्रदेशलाइ प्रदेश पिआइएस पोर्टल हस्तान्तरण गरिने छ ।