एक कर्मचारीको सरुवाको बिषयमा लफडा हुँदा कर्मचारी संगठन र मन्त्रीको प्रेस संयोजकबीच लफडा चलेको छ ।

Advertisement 1

कर्मचारी सरुवामा मन्त्रीको प्रेस सल्लाहकारले अनावश्यक रुची र हस्तक्षेप गरेको भन्दै कर्मचारी नेता र मन्त्रीको प्रेस सल्लाहकारबीच चर्काचर्की परेको हो ।
प्रंसग हो भौतिक पूर्वाधार तथा यातायात मन्त्रालयको । सो मन्त्रालयमा रहेका अधिकृत युवराज न्यौपानेको बिषयलाई लिएर कर्मचारी प्रशासनका हाकिम,मन्त्रीका प्रेस सल्लाहकार र काँग्रेस निकट कर्मचारीहरुबीच चलेको जुहारीको रोमाञ्चक ६ मिनेट २१ सेकेण्ट लामो भिडियो इकर्मचारी डटकमलाई मन्त्रालयका एक कर्मचारीले उपलव्ध गराएका छन् ।

शुक्रवार बिहानै काँग्रेस निकट नेपाल निजामती कर्मचारी युनियनका नेताहरु युवराज न्यौपानेको सरुवाको बिषयलाई लिएर सडक विभागमा पुगे ।
न्यौपानेलाई महिना दिन अघि विभागबाट काजमा मन्त्रालयमा तानिएको थियो । अवकाशको मुखमा अपर्झट मन्त्रालयमा तानिएपछि कर्मचारी नेताहरुले त्यहाँका महानिर्देशक सुशीलबाबु ढकाललाई भेट्न पुगेका थिए ।

Advertisement 2

डिजी ढकालले न्यौपानेको सरुवा विभाग नभइ मन्त्रालयले गरेको हुँदा असन्तृष्टि भए उतै राख्न जबाफ दिए पछि काँग्रेसी कर्मचारीहरुको टोली मन्त्रालयमा पुग्यो र सचिव केशव कुमार शर्मालाई भेटे ।

सचिव शर्माले अधिकृत न्यौपानेको सरुवाको बिषय आफूले नभई कर्मचारी प्रशासन हेर्ने सहसचिवलाई भेटेर सल्टाउन सुझाव दिए । त्यस पछि कर्मचारीहरुले टोली भौतिकको कर्मचारी प्रशासन हेर्ने सहसचिव इन्द्रमणि पोखरेलको कार्यकक्षमा पुगे । त्यहा भलाकुसारी चल्दै गर्दा मन्त्री नारायणकाजी श्रेष्ठका प्रेस संंयोजक भित्रिए र फोटो खिच्न थाले ।

त्यही बिषयमा लफडा परेपछि प्रहरी बोलाउँछु भन्दै प्रहरीलाई फोन घुमाउन थालेपछि विवाद चर्किएको इकर्मचारी डटकमलाई प्राप्त भिडियोमा स्पष्टसँग देख्न सकिन्छ ।
उनको त्यहाँबाट सरुवा सहमतिका लागि पत्र सामान्यमा पुगिसकेको थियो । भौतिकका कर्मचारीहरुको सरुवाको समय होइन हो तर त्यहाँबाट उपसचिव तहका १८ र अधिकृत तहका ६० बढी कर्मचारीहरुको सरुवा गर्न खोजिएको छ । अहिले धमाधम बजेट खर्च गर्नुपर्ने समय हो तर यही समयमा कर्मचारी चलाउन खोज्दैछ,मन्त्रालयले ।

मन्त्रीका प्रेस संयोजक गिरीले भने,अफवाह चलाइएको भन्दै आपत्ति जनाएका छन् । उनले भनेका छन्, अधिकृतको काज सरुवाबारे केही कर्मचारी नेताहरू मन्त्रालयका प्रशासन शाखा प्रमुखसँग असन्तुष्टि जनाउदै रहेछन्। संयोगले आफू त्यतिबेला त्यही पुगेको र नेताहरूले टेबुल नै ठोकेको देखेपछि असन्तुष्टिको यस्तो तरिकाबारे सामान्य प्रश्नमात्र राखेंको प्रतिक्रिया दिएका छन् ।

ट्रेड युनियनका नेताहरुले भने कर्मचारी सरुवाको बिषयमा मन्त्रीका पिएले अनावश्यक चासो र हस्तक्षेप गर्न खोजेको भन्दै आपत्ति जनाएका छन् ।