एउटा सरकारी कार्यलयमा जागिरका लागि भिडेका उम्मेद्धारले आफ्नो परीक्षाको नतिजा थाहा पाउन कति समय कुनुपर्ला ? बढीमा ६ महिना वा एक बर्ष ।

Advertisement 1

तर नेपालकै एउटा यस्तो सरकारी संस्था जस्ले १२ बर्ष अघि लिएको परीक्षाको नतिजा १२ बर्ष पछि बल्ल आज सार्वजनिक गरेको छ ।

नेपाल खानेपानी संस्थानले झण्डै १२ वर्षअघि कर्मचारी पदपूर्तिका लागि निकालेको विज्ञापनको नतिजा आज सार्वजनिक गरेको हो । २०६७ सालमा कर्मचारी पदपूर्तिका लागि निकालेको विज्ञापनको नतिजा संस्थानले आज प्रकाशित गरेको हो ।

Advertisement 2

सर्वोच्च अदालतमा मुद्दा परेपछि कर्मचारी नियुक्ति प्रक्रिया रोकिएको थियो । गत वर्ष सर्वोच्चले यससम्बन्धमा अन्तिम फैसला गरेपछि अन्तर्वार्ता संचालन गरि संस्थानले आज नतिजा निकालेको हो । संस्थानले पास भएका उम्मेदवारहरुलाई ३५ दिनभित्र त्रिपुरेश्वरस्थित आफ्नो कार्यालयमा सम्पर्क गर्न पनि भनेको छ ।