तिव्र विरोधपछि रसुवा अस्पतालको मेडिकल सुपरिटेन्डनमा डा शान्ति भुर्तेललाई पुर्नबहाली गरेको छ ।  बाग्मती प्रदेश स्वास्थ्य मन्त्रालयले दशौं तहको डा. भुर्तेललाई हटाएर कनिष्ठ (सातौ तह) जनस्वास्थ्य अधिकृत भिम सागर गुरागाईँ अस्पतालको निमित्तको जिम्मेवारी सुम्पिएसँगै  सरकारी चिकित्सकहरु आगो भएका थिए ।

Advertisement 1

उनीहरुले विज्ञप्ती नै निकालेर आन्दोलन छेड्ने उद्घोष गरेसँगै बाग्मती प्रदेश सरकार आफ्नो निर्णयबाट व्याक भएको हो ।

दश महिना अघिदेखि रसुवा अस्पतालको प्रमुखको जिम्मेवारी सम्हालिरहेकी डा भुर्तेललाई हठात हटाएर सातौं तहको जनस्वास्थ्य अधिकृतलाई निमित्तको जिम्मेवारी दिदैं कार्यको घोर भर्सना गर्दै सरकारी चिकित्सकहरुले यस्तो गल्ती सच्चाएर यो कार्यमा संग्लन्न दोषीउपर कारवाही गर्न माग समेत राखेको थियो ।

Advertisement 2

सरकारी चिकित्सकहरुको आपत्ति प्रकट गरेपछि बाग्मती प्रदेश सरकारले आफ्नो गल्ती सच्चाएको हो ।

गत महिना बाग्मती प्रदेश सरकारका स्वास्थ्य सचिवको सचिवस्तरीय निर्णय गर्दै दशौं तहको कर्मचारीलाई अस्पताल प्रमुखको जिम्मेवारीबाट हटाएर त्यहाँ जनस्वास्थ्य अधिकृत (सातौँ तह) गुरागाईलाई रसुवा अस्पतालको निमित्त प्रमुखको जिम्मेवारी दिइएकोमा अन्तत बाग्मती प्रदेश सरकार आफ्नो निर्णयबाट व्याक भएर पुर्न रसुवा अस्पतालको मेसुमा डा भुर्तेललाई काम गर्ने पत्र पठाएको छ ।।

दशौं तहको डा भुर्तेललाई धादिङ अस्पतालमा सरुवा गरेर रसुवा अस्पतालको निमित्त प्रमुखको जिम्मेवारी भने भिम सागार गुरागाईलाई तोकिएको थियो । बाग्मती प्रदेश स्वास्थ्य मन्त्रालयको यो निर्णयप्रति सरकारी चिकित्सकहरु आगो भएका थिए ।

उनीहरुले एक विज्ञप्ती नै निकालेर दशौं तहकी वरिष्ठ कन्सल्टेन्ट चिकित्सक डाक्टरलाई हटाउनुले डाक्टरहरुलाई निराश र निरुत्साहित मात्र पारेको छैन कि ज्ञान, वरिष्ठता, अनुभाव, लक्ष्य, पद्धति आदि सवैको सोझै धज्जी उडाएको भन्दै एक राज्यको अभिभावक प्रदेश सरकारले एक व्यक्ति केन्द्रित भई राजनीतिक पहुँचको दुरुपयोग भएको ठहर गरेको थिए ।

आठौं तहको कर्मचारी हुँदा हुँदै सातौ तहका कर्मचारीलाई निमित्तको जिम्मेजारी दिनुले डा. भुर्तेलको सरुवा राजनीतिक पहुँचको दुरुपयोग गरी व्यक्ति केन्द्रित भइ अस्पष्ट नियतले स्वास्थ्यजस्तो गम्भीर क्षेत्रको अस्पताल प्रमुख पदको नै दुरुपयोग गरिएको भन्दै सरकारी चिकित्सकहरुले विज्ञप्तीमात्र चिन्ता व्यक्त गरेका थिए । अन्तत डा भुर्तेलमाथि भएको अन्यायविरुद्ध सरकारी चिकित्सकहरुको एकस्वरका वावजुत बाग्मती प्रदेश स्वास्थ्य तथा जनसंख्या मन्त्रालयले आफूले गरेको गल्ती सच्चाउन विवश भएको हो ।

दुर्गम जिल्लामा हत्तपत्त बसेर दशौं तहका सरकारी चिकित्सकहरु सेवा गर्ने चाहदैनन् । तर दुगर्म जिल्लाको सरकारी अस्पताल सुधार्न कम्मर कस्सेर लागि परेकी एक जना चिकित्सकलाई अन्यायपूर्ण हटाउने बाग्मती प्रदेश स्वास्थ्य मन्त्रालयको निर्णयको विरुद्ध सरकारी चिकित्सक संघ सक्रियताका कारण रसुवाको स्वास्थ्य क्षेत्र सुधार्ने डा भुर्तेलको योजनामा सरकारी चिकित्सकहरुको साथ पाएको छ ।

बाग्मती प्रदेशको मुख्यमन्त्रीको कार्यालय समेत डा. भुर्तेललाई यथास्थितीमै काम गर्नु भनेर पत्र पठाएसँगै उनले पुन सोही जिल्लाको अस्पताल कमाण्ड गर्ने बाटो खुलेको हो ।