आफ्नो पार्टीले मन्त्रीबाट हटाउन खोज्दा खुमलटारमार्फत प्रचण्डको दैलोमा पुगेर दबाब दिन लगाइ केही साताका लागि पदमै थमौती भएकी शहरी विकास मन्त्री रामकुमारी झाक्री ५५ करोडको प्रस्ताव अघि बढाएकी  तथ्य फेला परेको छ ।

Advertisement 1

मन्त्री झाक्री मन्त्री पदबाट हट्नबाट जोगिएकै भोलिपल्ट शहरी विकास मन्त्रालयले ५५ करोडको प्रस्ताव खोल्ने गृहकार्य अगाडि बढाएको छ । शहरी विकास मन्त्रालयका सचिव इ रमेश सिंह,आयोजना प्रमुख रबिन्द्र बोहराको मिलेमतोमा ५५ करोड हाराहारीको प्रस्तावना पत्र खोल्न लागिएको हो । अबको दुई चार दिनमै यस्तो नोटिस खोल्ने गरी शहरी विकास मन्त्रालयले तयारी अगाडि बढाएको मन्त्रालय उच्च स्रोतले जनाएको छ ।

सेटिङ कलामा पारंगत मानिएका सचिव रमेश सिंहलाई पहिला आफैंले भ्रष्ट र असक्षम करार गरी प्रधानमन्त्री तथा मन्त्रिपरिषद्को कार्यालयमा सरुवा गरेकोमा तीन महिना नबित्दै उनलाई मन्त्रालयमै तानिएको थियो । सिंह तिनै कर्मचारी हुन जस्ले सहरी विकास मन्त्रालय र मातहतका अधिकांश ठेक्का पट्टा हात पार्ने उदेश्यले आफ्ना आफन्तको नाममा विभिन्न ५ वटा फर्म समेत दर्ता गराएका र मन्त्रालय र मातहतका निकायका विकास निर्माणका अधिकांश काम तिनै फर्मलाई पार्ने र आर्थिक शुभलाभ हात पार्दै आएका बदनाम कर्मचारीका रुपमा चिनिन्छन् उनी ।

Advertisement 2

विकासे अडडा भनिए पनि विकास खर्च अत्यन्त न्यून रहेको र विकास खर्च गर्न नसकेपछि केही महिना अघि उनै सहसचिव बोहरा,सचिव सिंह र झाक्रीसहितको मन्त्रालयको जम्बो टाली सातै प्रदेशका कार्यालयहरुकमा पुगेर आयोजनाका निर्देशकहरुलाई छिटोभन्दा छिटो काम सकाउन र बजेट खर्च गर्न निर्देशन दिएर फर्किएका थिए । उनको सो निर्देश अनुसार नै आयोजना प्रमुखहरुले  धमाधम काम गर्न थालेका छन् ।आयोजना प्रमुखहरुले सचिवका निकटका कम्पनीसँग सेटिङमा काम अघि बढाइरहेको शहरी विकास मन्त्रालय सूत्रको दावा छ ।

अहिले मन्त्रीका पिएका रुपमा नाताले आफ्नै देवर पर्ने नासु युवराज गिरी राखिएको छ । गिरी भुकम्पको समयमा दीपक मलहोत्राको कम्पनीसँग मिलेर त्रिपाल खरिदमा भ्रष्टाचार काण्डमा  डामिएका कर्मचारी हुन ।नासुदेखि सचिवसम्म भ्रष्ट र विवादका अनेकन फण्डामा मुछिएका कर्मचारीलाई बोकेर मन्त्रीको समाजवादी यात्रा कसरी पूरा होला ? मन्त्रालयकै एक कर्मचारीको प्रश्न हो यो ।  मन्त्री झाक्रीको पछिल्लो आठ महिना कर्मतचारी सरुवामै केन्द्रित रह्यो । मन्त्री पदबाट हट्न बाट बचेकी रामकुमारी झाक्रीले त्यसको भोलिपल्टै  ५५ करोडको आर्थिक प्रस्ताव खोल्ने तयारी गर्नुलाई आफू निकटका पार्टीलाई पोस्न खोजिएको रुपमा कर्मचारीहरुले अर्थाएका छन् ।