गोकर्णेश्वर नगरपालिकाद्वारा हास्यव्यङ्य कविता प्रतियोगिता आयोजना
गोकर्णेश्वर नगरपालिकाले नववर्ष २०७९ को पूर्वसन्ध्यामा राष्ट्रिय रुपमा वृहत् हास्यव्यङ्य कविता प्रतियोगितको आयोजना गरेको छ ।
Advertisement 1
विशेष अतिथि कलाकारहरूको उपस्थितिमा आयोजना गर्न लागिएको सो प्रतियोगितामा सहभागी हुनको लागि निम्न नियमको पालना गरि निम्न ठेगानामा कविता पठाउनुपर्नेछ ।
समसामयिक विषयमा २०० शब्दमा नबढाई यस अगाडि कतै प्रकाशित वा प्रशारित नगरिएको रचना हुनुपर्नेछ । यही चैत १० गतेभित्र नगरपालिकाको शिक्षा शाखामा आइपुग्ने गरी कविता पठाउन नगरपालिकाले आग्रह गरेको छ ।
Advertisement 2
इमेलबाट समेत कविता पठाउन सकिने छ । प्राप्त रचनालाई विज्ञ समूहले मूल्याङ्कन गरी प्रतियोगितामा वाचनका लागि छनोट गर्ने व्यवस्था मिलाइएको छ ।
छनौट भएका कविताको बाचन चैत १८ गते नगरपालिकाको वडा नम्बर ९ मा रहेको आरुबारी चोकमा गरिने छ । उक्त प्रतियोगितामा पहिलो हुनेलाई ५० हजार, दोस्रोलाई ३० हजार र तेस्रोलाई २० हजार तथा सान्त्वनास्वरुप तीन जनालाई जनही १० हजार रुपैयाँ पुरस्कार प्रदान गरिने नगरपालिकाले जनाएको छ ।
Advertisement 3
मूल्याङ्कन र रचना वाचनस् प्राप्त रचनाहरूमध्ये विज्ञ समूहको मूल्याङ्कनका आधारमा वाचनका लागि पुरस्कृतहरूको नाम सार्वजनिक गरिनेछ ।कार्यक्रम हुने दिनमा वाचनका लागि स्वीकृत भएका रचनाको रचनाकारलाई आमन्त्रण गरिनेछ । रचनाकार स्वयं उपस्थित भई आफ्नो रचना प्रस्तुत गर्नुपर्नेछ ।
