वीर अस्पतालमा प्रदेश तथा स्थानीय तहमा समायोजन भएर गएका कर्मचारीले संघमै रहनका लागि मेडिकल बोर्डको नक्कली कागजपत्र बनाउने गरेको पाइएको छ ।
०७६ सालमा कर्मचारी समायोजन हुँदा प्रदेश र स्थानीय तहमा समायोजन भएको भए पनि केही कर्मचारी तल जान माननेनन । सबैभन्दा मालदार ठाउँ मानिने स्टोर र खरिद शाखामा बसेर अकुत आर्जन गर्न पल्किएका कर्मचारीहरु सरकारले खटाएको ठाउँमा जानुको साटो उल्टै समायोजन उल्टाउने खेलामा लागे । उनीहरुले कीर्ते रिर्पोट बनाएर वीर अस्पताल मेडिकल बोर्ड बाट नककली सिफारिस वनाई मन्त्रालयमा पेश गरेका थिए ।
यसरी अस्पतालको भन्सार मानिने स्टोरमा टिक्नका लागि नक्कली मेडिकल रिर्पोटको कागज बनाएकाहरुले नै अहिले वीर अस्पतालमा बसेर अनेकन घोटला गरिरहेका छन् ।

Advertisement 1

कर्मचारी समायोजन ऐनको दफा ८ मा समायोजनको आधारका बारेमा ब्याख्या गरिएको छ । दफा ८ को ४ मा उल्लेख छ–‘माथि जेसुकै लेखिएको भएता पनि नेपाल मेडिकल बोर्डले कडा र जटिल रोग लागेको भन्ने सिफारिस गरेको अवस्थामा सम्बन्धित मन्न्त्रालयले कर्मचारीले रोजेको ठउँमा राख्न सक्छ ।’ ऐनको यो बुँदालाई आधार मानी मेडिकल बोर्डबाट रोगै नलागे पनि कडा रोग लागेको सिफारिस गराउँदै कर्मचारीहरु समायोजन भएका स्थानीय तहमा हाल सम्म पनि नगएका हुन ।

चिनेको चिकित्सकबाट कडा रोग लागेको प्रेस्क्रिप्सन बनाउने र त्यही पेश गरी मेडिकल बोर्डबाट खटाएको ठाउँमा नजाने प्रवृत्ति देखिएको थियो । तन्दुरुस्त र कुनै रोग नलागेका कर्मचारीले पनि बोर्डबाट सिफारिस पेश गरेका छन् । बोर्डबाट कडा रोग लागेको सिफारिस गराइदिने बिचौलियाहरुको संजाल वीर अस्पतालमै छ । यही सञ्जालले हो अहिले ओली निकट कर्मचारी संगठनका नेता केदार देवकोटाहरुको कीर्ते मेडिकल रिर्पोट बनाइदिएको ।

Advertisement 2

सो समयमा प्रतिब्यक्ति ३ देखि ३ लाख ५० हजार रुपैयाँ खर्च गरी सिफारिस गरिदिएको थियो । अस्पताल स्रोतका अनुसार, वीर अस्पतालका निर्देशकको अध्यक्षतामा रहेको तीन सदस्यीय बोर्डले क, ख र ग गरी तीन किसिमका सिफारिस गर्दछ । क वर्गको सिफारिस बिदेश उपचारमा जानका लागि दिने गरिन्छ । ख वर्गको सिफारिस जटिल रोग लागेकोले चिकित्सकको निगरानीमा बस्नुपर्ने भन्ने हुन्छ । ग वर्गमा आर्थिक सहायताका लागि सिफारिस गर्दछ ।

मेडिकल बोर्डकै एक कर्मचारी भन्छन्,तीन सदस्यीय बोर्डबाट सिफारिस गरिएका ९५ प्रतिशत कर्मचारीको एकपटक पुन जाँच गरेमा त्यो रोग लागेको भेटिनेछैन । यसरी कीर्ते मेडिकल रिर्पोट बनाएर स्वास्थ्य सेवा अन्तरगत बीर अस्पतालकै १५ जना भन्दा कर्मचारी छन् ।
उनीहरु अहिले दैनिकरुपमा भक्तपुर, बालाजु, बुढानिलकन्ठ लगायतका क्षेत्रबाट पल्सर मोटरसाइकलमा आउँछन् । दिनमा दसौं पटक वीर अस्पतालको चार तला उक्लने र झर्ने गर्दछन् । अस्पतालले आयोजना गरेको खेलकुद कार्यक्रममा भाग लिन्छन् । तर उनीहरुले कडा रोग लागेकाले डाक्टरको निगरानीमा रहनुपर्ने मेडिकल बोर्डको सिफारिस पेश गरेका छन् । र, स्थानीय तहमा नजान उनीहरुले यस्तो झुटो बिरामीको नाटक गरेका छन् ।
उनीहरूलाई काँग्रेस निकट स्वास्थ्यकर्मी र स्वास्थ्य मन्त्रालयकोमा पहुँच वीर अस्पतालमै राखेर महत्वपूर्ण विभागहरुको जिम्मेवारी दिएको अस्पताल स्रोतले जनाएको छ ।
यसरी नक्कली मेडिकल बोर्ड सिफारिस गर्ने कर्मचारीविरुद्ध प्रधानमन्त्री, स्वास्थ्य मन्त्रालय, र अख्तियारमा समेत उजुरीसमेत परेको छ ।