सरकारले चार सचिवको जिम्मेवारी हेरफेर गरेको छ । गण्डकी प्रदेशको प्रमुख सचिवको जिम्मेवारीमा रहेका डा दामोदर रेग्मीलाई युवा तथा खेलकुद मन्त्रालयमा तानेर त्यहाँ रविलाल पन्थलाई खटाइएको छ । रेग्मी आजै देखि युवा तथा खेलकुद मन्त्रालयमा हाजिर भइसकेका छन् ।

Advertisement 1

खेलकुद मन्त्रालय डेढ महिनादेखि सचिवबिहिन थियो । तत्कालीन सचिव केदार न्यौपाने ५८ बर्षे उमेर हद लागेर गत १२ असोजमा घर फर्किएसँगै सो मन्त्रालय सचिवबिहिन बन्न पुगेको थियो । डेढ पछि मन्त्रालयले सचिव पाएको छ । गत असारमा सचिवमा बढुवा भएपछि रेग्मीको पदस्थापन गण्डकी प्रदेशमा भएको थियो । पाँच महिनामैं उनलाई युवा तथा खेलकुद मन्त्रालयमा तानिएको हो ।

गण्डकी प्रदेशमा पठाइएका पन्थले यस अघि विभिन्न जिल्लाहरुमा प्रमुख जिल्ला अधिकारीको भूमिका कुशलतापूर्वक निर्वाह गरेका छन् भने लुम्विनी प्रदेशको प्रदेश सचिवको जिम्मेवारी निर्वाह गरिसकेका छन् । गत महिना सचिव बढुवा भएका पन्थलाई कुनै जिम्मेवारी नदिई राखेपछि उनको दैनिकी बनेको थियो,कार्यालय पुग्ने र हाजिर गरेर फर्कनेमा सीमित पारिएको थियो ।

Advertisement 2

उता कृषि तथा पशुपक्षी मन्त्रालयका सचिवहरुको जिम्मेवारी हेरफेर गरिएको छ । सरकारले कृषि सचिवका जिम्मेवारी डा गोविन्द प्रसाद शर्मा र पशुपक्षी सचिवको जिम्मेवारी निरु दाहाल पाण्डेला्रई दिएको हो । केही अघिमात्र सचिव पदमा बढुवा भएकी पाण्डेलाई कृषि मन्त्रालयबाट पशुपक्षीमा सारेर कृषिमा डा गोविन्द शर्मालाई खटाइएको हो ।