स्वास्थ्यका केही हाकिमहरु तितरबितर भएका छन् । राज्यमन्त्री उमेश श्रेष्ठको निर्णयबाट तीन सहसचिवको जिम्मेवारी हेरफेर गरिएको छ । पछिल्लो समय स्वास्थ्यका नियुक्तिमा बदनाम पात्रहरुले ठाउँ पाइरहँदा पछिल्लो समय दुई बदनाम हाकिमहरुलाई महत्वपूर्ण जिम्मेवारीमा फर्काइएको छ । मन्त्रालय स्रोतका अनुसार सहसचिवतहका डाक्टरहरु राधिका थपलिया,सुनिलकुमार शर्मा र प्रमोद जोशीलाई यताउता पारिएको हो ।

Advertisement 1

यस अघि हृदयेश त्रिपाठी मन्त्री हुँदा स्वास्थ्य, शिक्षा सूचना तथा सञ्चार केन्द्रमा बसेर सेटिङ धन्दा चलाउँदै आएका त्यहाँका हाकिम सुनिलकुमार शर्मालाई तानेर स्वास्थ्य सेवा विभागतिर पठाइएको थियो । स्वास्थ्यसम्बन्धी प्रचारप्रसार प्रसारको बजेट शर्माले सेटिङमा खर्च गर्दै आएको आरोप उनीमाथि लाग्दै आएको थियो । मन्त्री फेरिएसँगै उनी पुन त्यही ठाउँमा फर्किन सफल भएका छन् ।

हृदयेशको पालामा सो ठाउँमा खटाइएको डा राधिका थपलियाको जिम्मेवारी खोसेर उनलाई फेरि मन्त्रालयमै फजिलमा तानिएको छ । राधिका स्वास्थ्यको पीडित कर्मचारी हुन् । उनले विगत तीन बर्षदेखि मन्त्रालयमा बस्ने कुर्सी समेत पाएकी थिइनन् ।

Advertisement 2

मन्त्रीस्तरीय निर्णय गर्दै केन्द्रको निर्देशक रहेकी डा. राधिका थपलियालाई विभाग अन्तर्गत फाजिलमा राखिएको छ । कर्मचारी समायोजन गरिँदा कर्णाली प्रदेशतिर पठाइएकी थपलिया अन्यायमा परेको भन्द्यै सर्वोच्चको ढोका ढकढकाउन पुगेकी थिईन ।

सर्वोच्चले उनको पक्षमा अन्तरिम आदेश दिएसँगै मन्त्रालयमा हाजिर हुँदै आएकी उनी तीन बर्षसम्म जिम्मेवारबिहिन अबस्थामा रहेकोमा तीन महिना अघि हृदयेश त्रिपाठी स्वास्थ्यमन्त्री,लक्ष्मण अर्याल सचिव र कप्र महाशाखा प्रमुख दामोदर रेग्मी हुँदा न्याय पाएकी थिईन,जिम्मेवारी सम्हालिरहेको अबस्थामा तीन महिनामै फेरि उनलाई जिम्मेवारबिहिन बनाइएको हो ।

ट्रमा सेन्टरमा पनि कनिष्ठलाई लगेर हाकिम बनाइएको छ । उता अर्को भाँडभैलो मच्चिएको छ औषधि व्यवस्था विभागमा । यस अघि त्यहा्ँका हाकिम थिए नारायण ढकाल । त्यहाँ हुँदा कोरोनाको औषधी लगायतका सामाग्रीमा अनुमति दिन हिचकिचाहट गरेको एंव बालुवाटारसँग नजिक रहेका एक जना व्यक्तिले चलाएको आर्युेवेद हस्पिटलको अनुगमन गरेवापत बबरमहलबाट खुमलटारस्थित राष्ट्रिय प्रयोगशालामा धपाइएको थियो । सोको विरुद्ध अदालत गए ।

अदालतले मन्त्रालयमा जिम्मेवारी दिन आदेश दियो । तर हालत उस्तै थियो उनको पनि । घरबाट हरेक दिन रामशाहपथस्थित स्वास्थ्य मन्त्रालय छिरे पनि त्यहाँ न त बस्नलाई कार्यकक्ष छ,न त कुर्सी नै थियो । यस्ता,विवाद्स्पद् छविका ढकाल औषधि व्यवस्था विभाग बाहेक अन्यन्त्र जाँदै नजाने अड्डी लिँदै बसेको थिए । उनलाई पनि स्वास्थ्य राज्यमन्त्री श्रेष्ठले पुन विभागकै जिम्मेवारी दिएर पठाएका छन् ।

ढकाललाई तेस्रो पटक बिभागको महानिर्देश बनेका छन् । नेपाली कांग्रेस नेतृत्वको गठबन्धन सरकार बने लगतै उनले फेरि विभागको जिम्मेवारी पाएका छन् ।