नेपाली सेनाले एकै पटक ठूलो संख्यामा भर्ना खोलेको छ । सेनाले ४ हजार जना जनशक्ति पदपूर्तिका लागि भर्ना आह्वान गरेको छ । सेनाले चार हजार जना सैन्यका लागि दरखास्त आह्वान गरेको हो। गोर्खापत्रमा प्रकाशित सूचना अनु्सार,खुलातर्फ २ हजार ९६, कर्तव्य पालनाको शिलशिलामा अशक्त वा मृत्यु भएका नेपाली सेनाका सन्तति १ सय ८, महिला ३ सय ६०, आदिवासी तथा जनजाति ५ सय ७३, मधेसी ५ सय ५, दलित २ सय ७३ र पिछडिएको क्षेत्रबाट ८५ जना पदपूर्ति गरिने छ।
आठ कक्षा उत्तीर्णले आवेदन दिन पाउने सूचनामा जनाइएको छ । १८ वर्ष पूरा भई २२ वर्ष ननाघेका नेपाली नागरिकले असोज १६ गतेसम्म आवेदन दिन सक्नेछन् । १६ गतेदेखि असोज २४ गतेभित्र दोब्बर दस्तुर तिरेर आवेदन दिन सकिने सेनाले जनाएको छ।

Advertisement 1