सरकारले मनपरी ढंगले पर्व विदा दिन थालेको छ । शेरबहादुर देउवा नेतृत्वको सरकार बनेसँगै राजपत्रमा प्रकाशित बार्षिक बिदालाई बेवास्ता गर्दै आफूखुशी विदा दिन थालिएको हो । अघिल्लो क्याविनेटले गाइजात्रा पर्वको अवसरमा सार्वजनिक बिदा दिने निर्णय गरेको छ । यसअघि सरकारले गाईजात्राको अवसरमा काठमाडौँ उपत्यकामा मात्रै बिदा दिँदै आएकोमा यस पटक देशैभर सार्वजनिक बिदा दिने भएको हो ।
यस्तै क्याविनेटले पर्सी सोमबार फेरि सार्वजनिक बिदा दिने भएको छ । बिदै बिदाले किचिएको देशमा सरकारले आउने सोमबार फेरि सार्वजनिक बिदाको घोषणा गरेको हो ।

Advertisement 1

हिन्दू धर्मावलम्वीको महान् पर्व श्रीकृष्ण जन्माष्टमीको अवसरमा सरकारले भदौ १४ गते सोमबारका दिन सार्वजनिक बिदा दिने निर्णय गरेको हो । गृह मन्त्रालयका अनुसार भदौ ३ गतेको मन्त्रिपरिषद् बैठकले श्रीकृष्ण जन्माष्टमीको अवसरमा देशभर सार्वजनिक बिदा दिने निर्णय गरिएको हो । सरकारले गत ९ चैतमा यो वर्ष अर्थात् २०७८ सालभार दिइने बिदाको सूची राजपत्रमा प्रकाशित गरेको थियो। राजपत्रमा शनिबारसँगै पर्व, धर्म, संस्कृति, भौगोलिक क्षेत्र र स्थान विशेषका लागि दिइने बिदा उल्लेख छ। तर, यसलाई बेवास्ता गर्दै हरेक सरकारले पर्वका नाममा थप बिदा दिने गरेका छन्।

जबकी राजपत्रमा पर्व विदाका नाममा यी दुबै बिदा समावेश गरिएका छैनन् । पर्व विदा भनेर राजपत्रमा नयाँ बर्षको दिन,६ भदौं जनैपूर्णिमाका दिन विदा दिने उल्ल्ेख छ । गाइजात्रा पर्वका अवसर उपत्याकामा मात्र सार्वजनिक बिदा दिने उल्लेख गरिएको छ । राजपत्रमा पर्व विदाका रुपमा श्रीकृष्ण अष्टमीमा विदा दिइने उल्लेख गरिएको छैन् । राजपत्रमा प्रकाशित वार्षिक बिदाको सूचीलाई बेवास्ता गर्दै आफूखुशी बिदा दिने मन्त्रिपरिषद्को निर्णयले सेवाग्राहीलाई अन्योल मात्रै बनाएको छैन, मुलुकले अभ्यास गरिरहेको प्रशासनिक प्रणालीमाथि पनि प्रश्न उब्जाएको छ।

Advertisement 2