अविरल वर्षाका कारण गण्डकी प्रदेशमा सबैभन्दा बढी मनाङ जिल्ला प्रभाविन बनेको छ । मनाङ सदरमुकाम चामेदेखि जिल्लाको नासो गाउँपालिकाको तालगाउँमा बाढी आएको छ । मर्स्याङ्गदी नदीमा पानीको बहाव बढेका कारण सयौँ घर विस्थापित भएका छन् ।सदरमुकाम चामे बजारका सरकारी कार्यालयदेखि, होटेल, वर्कसप सबै बगाएको छ । चामे गाउँपालिका वडा नम्बर–३ का वडाध्यक्ष प्रेमकुमार श्रेष्ठका अनुसार बाढीका कारण त्यहाँका स्थानीय कोही आफन्तको शरणमा छन् त कोही जंगलमा अलपत्र परेका छन् ।

Advertisement 1

बाढीले बुधबार दिउँसो मनाङको नासो गाउँपालिकाको कार्यालय, नासो गाउँपालिकामै रहेको इलाका प्रहरी कार्यालय, प्रभु बैंक, प्राइम कमर्सियल बैंकको भवनलगायत बगाएको छ । यस्तै, पाँचवटा होटेल पनि बगाएको मनाङका प्रमुख जिल्ला अधिकारी विष्णु लामिछानेले बताए । मानवीय क्षतिको विवरण भने अहिलेसम्म नआएको बताइएको छ ।

Advertisement 2