त्रिविको स्नातक तहको नतिजा आउँदो साता प्रकाशन गर्ने
त्रिभुवन विश्वविद्यालय (त्रिवि)ले स्नातक तह मानविकी सङ्कायतर्फ तेस्रो वर्षको परीक्षाको नतिजा आउँदो साता प्रकाशन गर्ने भएको छ ।
Advertisement 1
अन्य सङ्काय तथा अध्ययन संस्थानका चौथो वर्षका विद्यार्थीको परीक्षाफल प्रकाशित हुन सकेको छैन । त्रिविमा हाल स्नातक तहमा तीनवर्षे र चारवर्षे कार्यक्रम सञ्चालनमा छन् । शिक्षाध्यक्ष प्र. शिवलाल भुसालले नतिजा प्रकाशनका लागि काम भइरहेको जानकारी दिएका छन् ।
उत्तरपुस्तिका परीक्षण सकिएको र उपत्यका बाहिरबाट उत्तरपुस्तिका आउने क्रममा रहेको उनले इकर्मचारीलाई जानकारी दिए । उत्तरपुस्तिका परीक्षणको काम सकिएकाले अब केही दिनमा नतिजा प्रकाशन गरिने उनको भनाइ छ ।
Advertisement 2
बल्खुस्थित परीक्षा नियन्त्रण कार्यालय परिसरमा पाल टाँगेर भए पनि प्राध्यापकलाई काम पूरा गरिदिन आग्रह गरिएको छ । कोरोना भाइरस महामारीका कारण विश्वविद्यालयका प्राध्यापकहरू डराएकाले परीक्षण कार्य केही दिन बिलम्ब भएको उनले बताए ।
