टीकापुर। टीकापुर नगरपालिकाले प्लाष्टिकका झोला प्रयोगलमा  प्रतिबन्ध लगाएको छ। पालिकाले आजदेखि लागु हुनेगरी त्यस्तो व्यवस्था गरेको हो।

Advertisement 1

नगर प्रमुख रामलाल थारुले दुई महिनाअघिदेखि पालिकालाई प्लाष्टिकमुक्त क्षेत्र बनाउने अभियानमा आफू जुटेको जनाउँदै  प्लाष्टिकजन्य वस्तुको प्रयोग हुन नदिन स्थानीय राजनीतिक दल, व्यापारी, उद्योग वाणिज्य सङ्घका पदाधिकारी र सङ्घ संस्था, पत्रकार र समाजसेवीलाई आग्रह गरेकन छन्।

नगरपालिकाको निर्णयविपरीत प्लाष्टिकका झोला बिक्रेतालाई प्रथम पटक रु १०००, दोस्रो पटक  रु ३००० र तेस्रो पटक रु ५००० जरिवाना हुने उनले बताए।

Advertisement 2

त्यसैगरी, प्लाष्टिकका झोला प्रयोग गर्नेलाई पहिलोपटक रु १०, दोस्रो पटक रु ५० र तेस्रो पटक  रु १०० जरिवाना लिइने छ। प्लाष्टिकको झोला उत्पादन गर्नेलाई पहिलो पटक रु २०००, दोस्रो पटक रु ४००० र तेस्रो पटक रु ६००० जरिवाना हुनेछ।

नगरपालिकालाई प्लाष्टिकमुक्त गर्ने निर्णय कठोर भएर कार्यान्वयन गर्ने प्रतिबद्धता नगरप्रमुख चौधरीले व्यक्त गरेका छन्। पालिकाले स्थानीय राजपत्रमा २०८० साल चैत २५ गते यससम्बन्धी सूचना प्रकाशन गरेर प्लाष्टिकको प्रयोग नगर्न अनुरोध गर्दै आएको छ।