राजधानीका तीनवटै जिल्ला प्रशासन कार्यालयले अत्यावश्यकबाहेकका सबै काम आजदेखि एक साताका लागि बन्द गर्ने निर्णय गरेका छन्। हिजो काठमाडौंका प्रजिअ कालिप्रसाद पराजुली,ललितपुरका प्रमुख जिल्ला अधिकारी द्रोण निरौला र भक्तपुरका प्रमुख जिल्ला अधिकारी प्रेम प्रसाद भट्टराई बैठक बसी यस्तो निर्णय गरेका हुन् । उनीहरुले कोरोना महामारीको दोस्रो चरणको जोखिमलाई मध्यनजर गर्दै प्रशासनहरूले अत्यावश्यक सेवा मात्र सञ्चालन हुने जनाएका छन् । यद्यपि अत्यावश्यक काम शान्ति सुरक्षा, ठाडो उजुरीलगायत नगरी नहुने काम मात्र सञ्चालन गर्ने निर्णय गरिएको हो।

Advertisement 1

नागरिकता, राहदानी, नागरिकताको प्रतिलिपि, संघ संस्था दर्ता, नवीकरण, पत्रपत्रिका दर्तालगायतका काम एक साताका लागि स्थगित हुनेछ । यस्तै हिजोको बैठकले अन्य अन्य कार्यालयहरुलाई समेत आलोपालो विधिबाट सेवा प्रदान गर्न निर्देशन दिइएको छ ।
यता कोरोना संक्रमितको संख्या दिनप्रतिदिन वृद्धि भइरहेको सन्दर्भमा न्युनिकरणका लागि के गर्न सकिन्छ भन्नेबारे छलफल गर्न आज फेरि उपत्यकाका सिडिओको बस्दै छ । कोरोना संकट व्यवस्थापन केन्द्र सिसीएमसीले पाँच सयभन्दा बढी कोरोना संक्रमित फेला परेका ठाउँमा निषेधाज्ञा लगाउन सिफारिस गरेपछि काठमाडौं, ललितपुर र भक्तपुरका सिडिओ छलफलमा जुट्न लागेका हुन्।