बैंकक। नेपाल चेम्बर अफ कमर्शले थाईल्याण्डको राजधानी बैंककमा व्यवसाय गर्दै नेपाली व्यवसायी कैलाश श्रेष्ठलाई थाईल्याण्डका लागि आफ्नो मानार्थ व्यापार प्रतिनिधि नियुक्त गरेको छ। श्रेष्ठ हाल बैंककस्थित स्विफ्ट रिसोर्सेज कम्पनीका अध्यक्ष हुन्।

Advertisement 1

विगत लामो समयदेखि व्यापार, सामाजिक उत्तरदायित्व र नेपाली समुदायको हकहितका लागि सक्रिय रूपमा काम गर्दै व्यवसायी प्रतिष्ठित मानिन्छन्। नियुक्ति अवसरमा बैंककमा आयोजितसमारोहमा नेपाल चेम्बर अफ कमर्शका अध्यक्ष कमलेशकुमार अग्रवाल स्वयं उपस्थित भई श्रेष्ठलाई औपचारिक रूपमा प्रमाणपत्र हस्तान्तरण गरे। कार्यक्रममा थाईल्यान्डमा सक्रिय नेपाली व्यवसायी, समाजसेवी र प्रतिष्ठित व्यक्तिहरूको उल्लेखनीय उपस्थिति थियो।

प्रमाणपत्रमा ‘कैलाश श्रेष्ठलाई थाईल्याण्डका लागि नेपाल चेम्बर अफ कमर्शको मानार्थ व्यापार प्रतिनिधि नियुक्त गरिएको छ,’ प्रमाणपत्रमा लेखिएको छ, ‘यो नियुक्तिसँगै श्रेष्ठले नेपाल–थाई व्यापार प्रवद्र्धन, लगानी अभिवृद्धि, नेपाली उत्पादनहरूको प्रवाह तथा व्यापारिक सम्बन्ध मजबुत गर्न थाई संस्थासँग सहकार्य गर्नेसहितका विविध जिम्मेवारीहरू सम्हाल्ने छन्। यो जिम्मेवारीले दुई देशबीचको ऐतिहासिक सम्बन्धलाई अझ सुदृढ बनाउने अपेक्षा गरिएको छ।’

Advertisement 2

नेपाल चेम्बर अफ कमर्शले नेपाल र थाईल्याण्डबीचको व्यापारिक सम्बन्धलाई थप मजबुत बनाउने उद्देश्यले यो नियुक्ति गरिएको बताएको छ। श्रेष्ठको व्यावसायिक अनुभव, अन्तर्राष्ट्रिय सम्बन्ध र थाईल्याण्डस्थित नेपाली समुदायमा रहेको गहिरो विश्वासका आधारमा नेपाल चेम्बरले उनलाई उपयुक्त प्रतिनिधिका रूपमा चयन गरेको जनाएको छ।