राष्ट्रपतिबाट विद्यादेवी भण्डारीले राष्ट्रका विभिन्न क्षेत्रमा योगदान पुर्‍याएका व्यक्तित्वलाई अस्ति शुक्रवार राष्ट्रपति भवन शीतल निवासमा आयोजित समारोहमा विभिन्न मानपदवी, अलङ्कार र पदकबाट सुशोभन गर्नुभयो । अघिल्लो बर्ष कोरोना कहरका कारण रोकिएको विभुषण गत २७ चैत्रमा सम्पन्न भएको हो । गत बर्ष ०७६ साल असोज ३ गते संविधान दिवसका दिन घोषित विभूषणमध्ये मानपदवीबाट राष्ट्र निर्माणमा अतुलनीय योगदान दिनेहरुलाई सुशोभन गरियो । संविधान दिवस तथा राष्ट्रिय दिवस, २०७६ का अवसरमा २०७६ भदौ ३१ को निर्णयबाट विभूषण प्रदानका लागि ४५० लाई घोषणा गरिएकामा कोभिड–१९ का कारण कार्यक्रम हुन नसकेका कारण सुशोभन हुन नसकेकालाई पनि आजै सुशोभन गरिएको छ । बाँकी रहेकालाई आउँदो वैशाख १ गते सुशोभन गरिने कार्यक्रम तय भएको छ ।

Advertisement 1

जसमध्ये महाउज्जवल राष्ट्रदीप २ जनालाई,सुप्रशिद्ध प्रवल जनसेवाश्री ७ जनालाई प्रशिद्ध प्रवल जनसेवाश्री १ जनालाई,उज्ववल कीर्तिमय राष्टरदीप ९ जनालाई र सुप्रवल जनसेवाश्री ११२ , कीर्तिमय राष्ट्रदीप ८,प्रवल जनसेवाश्री २००,जनसोश्री ११० लाई प्रदान गरिएको छ । यस्तै अलंकारबाट १५५ लाई विभुषित गरिँएको छ । मानपदवी,अलंकार र पदक गरी ६३३ लाई विभुषित गरिँएको हो ।

Advertisement 2

तक्मामा नेपालको नक्सामा लिपुलेक, लिम्पियाधुरा र कालापानी छैनन्। राष्ट्रिय रूपमा महत्त्वपूर्ण तक्मामै यसरी एकाएक अतिक्रमित भूमि गायब गरिएको भन्दै विभिन्न शंका उत्पन्न भएका छन् । हालै वितवरण गरिएको तक्मामा नेपालको नक्सामा भारतले अतिक्रमण गरेको भूमि नसमेटिएको भन्दै व्यापक आलोचना शुरु मात्र भएको छैन् केहीले तक्मा नै फिर्ता गर्ने बताएपछि सामाजिक सञ्जालमा यसबारे अनेकन टिकाटिप्पणी शुरु भएको छ । सञ्चारकर्मी लक्ष्मी पुनले नयाँ नक्सा नसमेटिएको तक्मा आफूले फिर्ता गर्ने घोषणा गर्नुभएको छ ।

यता गृहले यसबारेमा सरकारले स्पष्टीकरण दिएको छ।

मन्त्रालयका अनुसार नेपालको नयाँ नक्सा जारी हुनुअघि नै विभूषण बनाइएकाले त्यसमा पुरानै नक्सा रहेको हो।

राष्ट्रिय जीवनका विभिन्न क्षेत्रमा उल्लेखनीय योगदान पुर्‍याउनु हुने महानुभावहरूसाई संवत् २०७६ असोज ३ गते संविधान दिवसको अवसरमा घोषणा भई २०७७ वैशाख १ मा वितरणको लागि तयार गरिएका विभूषणमा अंकित नेपालको नक्सा सम्बन्धमा केही सञ्चारमाध्यममा आएको समाचारप्रति मन्त्रालयको गम्भीर ध्यानाकर्षण भएको छ। घोषणा, तयारी र वितरणको प्रस्तावित समयमा रहेको नेपालको आधिकारिक नक्सा नै उल्लिखित विभूषणहरूमा अंकित भएको छ। कोभिड–१९ को कारणबाट २०७७ वैशाख १ मा वितरण हुन सम्भव नभएकोले हाल सुशोभन भएको हो। नेपालको वर्तमान राजनीतिक तथा प्रशासनिक नक्सा लागू भएपछि घोषणा भएको विभूषणमा सोहीबमोजिमको नयाँ नक्सा अंकित भएको र यसको सुशोभन आगामी २०७८ वैशाख १ मा गरिने बेहोरा सम्बन्धित सबैको जानकारीको लागि यो विज्ञप्ति जारी गरिएको छ।

गृहको यो स्पष्टीकरण पछि समालोचक/ साहित्यकार / पत्रकार घनश्याम ओझाले सामाजिक सञ्जालमा तीतो पोखे,’तर्क त, पोहोर नै बनाइएका पदक हुन्’भनेर गरिएला तर देशको स्वाभिमान उठाएँ भन्नेले जाबो पदकको नक्सा परिवर्तन गरेर अर्को बनाउन सकिँदैनथ्यो होला र ?”