प्रधानमन्त्री केपी शर्मा ओलीले साउन १ गतेदेखि लागू हुने गरी सामाजिक सुरक्षा भत्ता बढ्ने बताएका छन् ।

Advertisement 1

काठमाडौंमा मंगलबार भएको कार्यक्रमलाई सम्बोधन गर्दै प्रधानमन्त्रीले साउन १ गतेदेखि लागू हुने गरी वृद्धभत्ता वृद्धि गर्ने घोषणा गरेका हुन् । ‘साउन १ गतेदेखि सामाजिक सुरक्षा भत्ता बढ्छ । कसैलाई आपत्ति लाग्न सक्छ । बुढाबुढी, अपाङ्गलाई पनि भत्ता दिन थाल्यो भनेर कसैलाई रातभर निद्रा लाग्दैन,’ उनको भनाइ छ ।
नेकपा एमाले र माओवादी केन्द्र मिलेर बनेको बामपन्थी गठबन्धनले गत निर्वाचनमा वृद्धभत्ता बढाएर ५ हजार पुर्याउने घोषणा गरेको थियो ।

हाल वृद्धभत्ता मासिक ३ हजार रुपैयाँ छ ।प्रधानमन्त्री ओलीले शिक्षाको क्षेत्रमा पनि ५ अर्ब रुपैयाँ छिट्टै बिनियोजन हुने बताए । उनले उक्त रकम विद्यालयको पूर्वाधार निर्माणका लागि खर्च हुने समेत बताए ।

Advertisement 2