रुपन्देही जिल्लाका सबै सुरक्षा प्रमुख सरुवा भएका छन् । गृह मन्त्रालयले एक साथ त्यहाँका प्रमुख जिल्ला अधिकारी,नेपाल प्रहरी र सशस्त्र प्रहरीका प्रमुखहरु हेरफेर गरेको हो । उनीहरु सबैको सरुवा हुनुको पछाडि अर्थमन्त्री विष्णु पौडेलले औद्योगिक कोरिडोर शिलान्यास गर्ने क्रममा भएको मोतीपुर झडप काण्डलाई कारक मानिएको छ ।

Advertisement 1

सिडिओको सरुवालगत्तै प्रहरी मुख्यालय र सशस्त्र प्रहरी मुख्यालयले पनि प्रहरी उपरीक्षक प्रवीण पोखरेल र सशस्त्र प्रहरी उपरीक्षक भरत खनियाँलाई जिम्मेवारीबाट हटाएको छ। मन्त्रालयले पर्साका सिडिओ अस्मान तामाङलाई रुपन्देही पठाएको छ।प्रहरी उपरीक्षक पोखरेलको ठाउँमा मुख्यालयबाट मनोज केसी पठाइएका छन् भने सशस्त्र प्रहरीले राजेश उप्रेतीलाई पठाएको छ।

गृहका प्रशासन विभागले प्रमुख जिल्ला अधिकारी साटफेर भएको पुष्टि गर्‍यो।यसैगरी, नेपाल प्रहरी र सशस्त्र प्रहरी मुख्यालयले पनि एसपी परिवर्तन गरिएको पुष्टि गरेको छ।प्रहरी प्रवक्ता प्रहरी वरिष्ठ उपरीक्षक वसन्त कुँवरले अर्थमन्त्री पौडेल र आपूर्ति मन्त्री भट्ट कार्यक्रमस्थलबाट भाग्नुपर्ने स्थितिले सुरक्षा व्यवस्थामा प्रश्न उठेपछि एसपी परिवर्तन गरिएको गरिएको बताए।

Advertisement 2

गत फागुन २१ गते बुटवलको रानीगन्जमा मोतिपुर औद्योगिक क्षेत्रको शिलान्यास गर्न पुगेका अर्थमन्त्री विष्णु पौडेल र उद्योग मन्त्री लेखराज भट्टलाई स्थानीयले लेखेटेको घटनामा पूर्वजानकारी राख्न नसकेको र सुरक्षा दिन नसकेको भन्दै सिडिओ र एसपीको सरुवा गरिएको स्रोतले जनायो। रुपन्देही सुरक्षाका हिसाबले चुनौतीपूर्ण जिल्लाको रूपमा चिनिन्छ। प्रमुख जिल्ला अधिकारी घिमिरे र एसपी पोखरेल त्यहाँ गएको आठ महिनामात्रै भएको थियो। पोखरेल अपराध अनुसन्धानमा अब्बल प्रहरी अधिकृत मानिन्छन्।