काठमाडौं । नेपाल प्रहरीका आठ जना प्रहरी नायब उपरीक्षक (डीएसपी) प्रहरी उपरीक्षक (एसपी)मा बढुवाका लागि सिफारिस भएका छन् । बुधबार बसेको बढुवा समितिको बैठकले जनपद प्रहरी समूहका आठ जना डीएसपीलाई एसपीमा बढुवा सिफारिस गरेको प्रहरी प्रधान कार्यालयले जनाएको हो ।

Advertisement 1

बढुवाका लागि सिफारिस हुनेमा ढकेन्द्र खतिवडा, अंगुर जिसी, यादव ढकाल, सन्तोष तामाङ, श्यामबाबु ओलिया, निरन्जनदत्त भट्ट, राजन लिम्बु र बिनोद घिमिरे रहेका प्रहरी अतिरिक्त महानिरीक्षक (एआईजीपी)समेत रहेका बढुवा समिति सदस्य सचिव टेकप्रसाद राईले जानकारी दिए ।

Advertisement 2

उनका अनुसार प्रहरीकै प्राविधिक प्रहरी समूह, स्वास्थ्य उप समूह, नर्सिगतर्फका डीएसपी कमला लामा पनि सोही समूहको उपसमूहतर्फको एसपीमा बढुवाका लागि सिफारिस भएका छन् ।