रुपन्देहीको मर्चवारी गाउँपालिका तत्कालीन प्रमुख प्रशासकीय अधिकृत अख्तियरको फन्दामा परेका छ्न । अख्तियारले लक्ष्मण अर्यालसहित सात जनाविरुद्ध १३ लाख ४५ हजार रुपियाँ भ्रष्टाचार मुद्दा दायर गरेको हो।

Advertisement 1

आयोगका प्रवक्ता भोला दाहालका अनुसार अर्यालविरुद्ध आर्थिक वर्ष २०७७/०७८ मा सम्पन्न भएका वडा नं. ३ मा गरिएका विकास निर्माणका कामहरु, मर्चवारी गाउँपालिकामा सौर्य उर्जा प्रविधि जडान कार्य, वडा ६ र ७ मा भएका विकासका कामहरुमा सो रकम भ्रष्टाचार गरेको आरोप लागेको हो ।

तत्कालीन प्रशासकीय अधिकृत अर्यालसहित तत्कालीन प्रमुख प्रशासकीय अधिकृत पवनकुमार अर्याललाई १३ लाख ४५ हजार रुपियाँ भ्रष्टाचारको आरोप छ ।अर्यालले पालिकाको बजेटमा विकास निर्माण र कार्यक्रम गर्नेहरूलाई वर्षको अन्त्यमा सरकारी रकम भुक्तानी दिँदा कमिसन लिएको र रकम छोराको नाममा जम्मा गरेको भेटिएको छ।

Advertisement 2

कमिसन रकम छोराको नाममा जम्मा गरेको भेटिएको अख्तियारले जनाएको छ। भ्रष्टाचारको अभियोगमा अख्तियारले अर्याल र उनका छोरा पवन कुमारलाई प्रतिवादी बनाएको छ। उनीहरूविरुद्ध जनही १३ लाख ४५ हजार रुपैयाँ बिगो दाबी अख्तियारले गरेको छ। अन्य पाँचजनालाई पनि अख्तियारले प्रतिवादी बनाएको छ।

आयोगका अनुसार वडा सचिव गुलाव यादवलाई दुई लाख रुपियाँ, तत्कालीन वडा अध्यक्ष नारायणबहादुर यादवलाई पाँच लाख, प्रोपाइटर विनोदबाबु तिवारीलाई ८५ हजार, तत्कालीन गाउँ कार्यपालिका सदस्य राजेश हरिजनलाई तीन लाख ६० हजार र प्रोपाइटर अमरीश यादवविरुद्ध दुई लाख रुपियाँ भ्रष्टाचार आरोप लागेको छ ।

आरोपितमाथि भ्रष्टाचार निवारण ऐन बमोजिम सजाय हुन मागदाबी लिई बुधबार विशेष अदालत, काठमाडौंमा आरोपपत्र दायर भएको आयोगले जनाएको छ ।