निमित्त प्रमुख प्रशासकीय अधिकृतसहित ८ विरुद्ध भ्रष्टाचार मुद्दा दायर
अख्तियार दुरुपयोग अनुसन्धान आयोगले एकै पटक आठ जनाविरुद्ध भ्रष्टाचार मुद्धा चलाएको छ । डोल्पाको सडकमा लाखौं भ्रष्टाचार गरेको अभियोगसहित तत्कालिन निमित्त प्रमुख प्रशासकीय अधिकृतसहित आठ जनालाई प्रतिवादी बनाउँदै अख्तियारले विशेषमा आज मुद्धा दायर गरेको हो ।
Advertisement 1
अख्तियारले डोल्पाको मुड्केचुला गाउँपालिकामा बनाइएको सडकमा भ्रष्टाचार गरेको आरोपमा गाउँपलिकाका तत्कालिन निमित्त प्रमुख प्रशासकीय अधिकृत सिंहराज डाँगीसहित आठ जनाविरुद्ध विशेष अदालतमा भ्रष्टाचार मुद्दा दायर गरेको हो ।
Advertisement 2
अख्तियारले सिंहराज डाँगीसहित इन्जिनियर देवराज रावत, सब–इन्जिनियर दिप नारायण यादव, गाउँपालिका–८ का तत्कालीन कार्यवाहक वडाध्यक्ष धनबहादुर रोकाया, कार्यपालिका सदस्य राम कुमार नेपाली, वडा प्राविधिक इशारा बुढा, उपभोक्ता समितिका अध्यक्ष मानबहादुर रोकाया र कोषाध्यक्ष निर्मला रोकायाविरुद्ध बिहीबार विशेष अदालतमा भ्रष्टाचार मुद्दा दायर गरेको हो । आयोगका अनुसार डाँगी, रावत र यादवले मिलेमतोमा स्थानीय घुम्चो खोलादेखि महादेवसम्म सडक निर्माण योजनामा उपभोक्ता समिति र गाउँपालिकाबिच सहमति भएको तर त्यस विपरीत गएर धेरै काम गरेको देखाएर १० लाख ९७ हजार ८ सय ५२ रुपैयाँ २९ पैसा उपभोक्ता समितिलाई भुक्तानी दिएका थिए ।
आर्थिक वर्ष २०७६/०७७ मा गाउँपालिकाबाट सञ्चालित वडा नम्बर ८ स्थित घुम्चो खोलादेखि महादेवसम्मको सडक आयोजनामा उनीहरुको मिलेमतोमा अनियमितता भएको पाइएको हो ।
Advertisement 3
गाउँपालिका र उपभोक्ता समितिबीच सम्झौता भई स्वीकृत लागत अनुमानबमोजिम कार्य नगरी बढी खर्च देखाएर १० लाख ९७ हजार ८५२ रुपैयाँ भुक्तानी दिइएको आयोगको दाबी छ ।
