एकै दिन २२२ कर्मचारी छड्केमा,सबैभन्दा बढी सामान्य प्रशासनका
राष्ट्रिय सतर्कता केन्द्रको छड्केमा २२२ कर्मचारी परेको छ ।
Advertisement 1
केन्द्र विहिबार गरेको छड्केमा संघीय मामिला तथा सामान्य प्रशासन मन्त्रालय,भौतिक पूर्वाधार तथा यातायात व्यवस्था मन्त्रालय र शहरी विभागका साथै पुरातत्व विभागका २२२ कर्मचारी छड्केमा परेका हुन । छड्केमा परेकामध्ये सबैभन्दा बढी सामान्य प्रशासन मन्त्रालयका १३३ जना परेका छन् ।
केन्द्रले गरेको समयमा कार्यालयसमयभन्दा ढिला आउने ७१ जना परेका छन् जसमा संघीय मामिला तथा सामान्य प्रशासन मन्त्रालयका २५ जना परेका छन् । यस्तै सिट छड्केमा सामान्य प्रशासनका २५ जना कर्मचारी परेको केन्द्रले जनाएको छ । अनुपस्थित ४२ र १८ जना तोकिएको पोशाक नलगाइकन कार्यालयमा पुगेको केन्द्रको छड्के क्रममा भेटिएको हो ।
Advertisement 2
यस्तै भौतिक पूर्वाधार तथा यातायात मन्त्रालयमा ३६ जना अनुपस्थित, ५ जना सीट छड्के, १७ जना सवा १० सम्म पनि कार्यालयमा आइनपुगेको र १८ जनाले तोकिएको सरकारी पोशाक नलगाएको पाइएको केन्द्रले जनाएको छ ।
कार्यालय समयभन्दा ढिला कार्यालयमा झुल्कने १८ जना शहरी विकास तथा भवन निर्माण विभागमा कर्मचारी छड्केमा पर्दा पुरातत्व विभागमा ११ कर्मचारीहरु केन्द्रको छड्केमा परेका छन् भने त्यहाँका २ कर्मचारी तोकिएको पोशाक नलगाएका केन्द्रले जनाएको छ ।
