नगर विकास समितिको नाममा रहेको जग्गाको विषयमा धनगढी उपमहानगरपालिका प्रमुख गोपाल हमाल र प्रमुख प्रशासकीय अधिकृत रामलाल श्रेष्ठविरुद्ध उच्च अदालत दिपायलमा परेको रिट खारेज भएको छ।

Advertisement 1

बिहीबार मुख्य न्यायाधीश शान्तिसिंह थापा र न्यायाधीश डालकुमार खड्काको संयुक्त इजलाशले नगर प्रमुख हमाल र प्रशासकीय अधिकृत श्रेष्ठविरुद्ध विस्नापति थरुनीले दायर गरेको रिट खारेज गरेको हो । धनगढी उपमहानगरपालिका वडा नम्बर १ पुरानो हवाई मैदानमा रहेको धनगढी नगर विकास समितिको नाममा दर्ता श्रेस्ता भएको जग्गामा अनाधिकृत बसोबास गरिरहेका विस्नापति थरूनी समेतका ९ जनाले उच्च अदालत दिपायलमा उत्पेषण परमादेशको रिट दायर गरेका थिए ।

बिहीबार फैसला सुनाउँदै अदालतले रिट खारेज हुने ठहर गरेको धनगढी उपमहानगरपालिकाले जनाएको छ। स्थानीय तहको प्रमुख नै नगर विकास समितिको अध्यक्ष हुने व्यवस्थाअनुसार नगर प्रमुख हमालविरुद्ध रिट दायर भएको थियो।