प्रभुरामका विश्वासपात्र रथीमा बढूवा सिफारिस,बन्लान त प्रधानसेनापति ?
प्रधानसेनापति प्रभुराम शर्माको उत्तराधिकारीको रुपमा हेरिएका उपरथी अशोकराज सिग्देल रथीमा बढूवाका लागि सिफारिस भएका छन् ।
यस अघि रथीमा बढूवाका लागि सिफारिस भएका र भावी प्रधानसेनापतिका रुपमा हेरिएका ताराध्वज पाण्डेको कीर्ते काण्डमा मुछिएर घर गएसँगै जंगी अड्डाले भावी प्रधानसेनापतिका रुपमा सिग्देललाई अगाडि सारेको हो ।
Advertisement 1
जन्म मिति कीर्ते प्रकरणमा डामिएसँगै कारवाहीबाट बच्न पाण्डेले राजीनामा दिएका थिए । उनले दिएको राजीनामा अस्तिको क्याविनेटले स्वीकृत गरेसँगै जंगी अड्डाले आज सिग्देललाई रथीमा बढुवा गर्न सिफारिस गरेको हो । उनलाई बढुवा गर्न सिफारिस गरेसँगै जंगी अड्डाले सात दिने सूचनासमेत जारी गरेको छ ।
जंगी अड्डकाको सिफारिसअनुसार अब बस्ने क्याविनेटले सिग्देललाई रथीमा बढुवा गर्ने छ । सो सँगै उनी भावी प्रधानसेनापतिको लाइनमा हुनेछन् ।
Advertisement 2
यद्यपि नेपाली सेनाले भावी प्रधानसेनापतिका रुपमा अगाडि सारिएका रथीहरुकै एक पछि अर्काेको सर्टिफिकेट काण्डहरु छरपष्ट भइरहँदा यो रोगबाट सिग्देल पनि अछुत रहन नसक्ने नेपाली सेना स्रोतले दावा गरेको छ । ताराध्वज र अशोकको कैफियत एकै किसिमको रहेको सेना स्रोतले दावा गरेको छ । सिग्देलको पनि यस्तै फण्डा निस्किएको खण्डमा सन्तोष ढकाल हुँदै सन्तोष वल्लभ पौडेलहरुको भाग्योदय हुन्छ भन्छ जंगी अड्डा ।
