एउटै योजनामा दोहोरो भुक्तानी, फिर्ता भयो लिएको १३ लाख
जाजरकोटमा एउटै आयोजनामा दुई कार्यालयबाट लिएको रकम उपभोक्ता समितिले फिर्ता गरेका छन् । पूर्वाधार विकास कार्यालय जाजरकोटबाट दोहोरो भुक्तानी लिएको १२ लाख ८२ हजार ७ सय २२ रुपैयाँ फिर्ता भएको हो ।
Advertisement 1
गत असारमा नलगाड नगरपालिका ११ स्थित उखाले तल्लु हितानगाँउ जोड्ने सडक निर्माण कार्यमा नलगाड नगरपालिका र पूर्वाधार विकास कार्यालय जाजरकोट दुईवटा कार्यालयबाट भुक्तानी लिएको भेटिएको हो । सार्वजनिक खरिद ऐन २०६३ र सार्वजनिक खरिद नियमावली २०७९ (बाह्रौ संशोधन) ले गरेका व्यवस्था प्रतिकूल हुनेगरी एउटै उपभोक्ताहरू रहेको समितिबाट एउटै बाटो निर्माणको भुक्तानी दुई सरकारी निकायबाट लिएको पाइएको छ।
नेकपा माओवादी केन्द्रका नलगाड नगर इन्चार्ज गणेश सिंहले उपभोक्ता समितिबाट पेटी ठेक्कामा लिएर काम गरी दुवैतिरबाट भुक्तानी लिएको पाइएको हो । कर्णाली प्रदेश सरकारबाट स्थानीय तहमार्फत् उपलब्ध गराएको रकम र पूर्वाधार विकास कार्यालय जाजरकोटबाट समेत सोही सडकमा डुप्लिकेशन गरेर रकम भुक्तानी लिएको खुलेको हो।
Advertisement 2
उपभोक्ता समिति र कामदारले रकम नपाएपछि पेटी ठेकेदार र उपभोक्ता समितिको बद्मासी बाहिरिएको हो । नलगाड नगरपालिकाबाट १९ लाख ४० हजार र सोही योजनामा भौतिक पूर्वाधार विकास कार्यालय जाजरकोटबाट १३ लाख ४२ हजार १ सय सात रुपैयाँ भुक्तानी लिएको हो।
