ट्रेड युनियनसँग सचिव समूह पराजीत
नेपाल सरकारका सचिवहरुले ट्रेड युनियनकर्मीहरुसँग पराजय बेहोरेका छन् । निजामती सेवा दिवस २०८० को सप्ताहव्यापी कार्यक्रम अन्तरगत आज बिहान सातदोबाटोस्थित एन्फा कम्पलेक्समा भएको फुटबल प्रतियोगितामा मुख्य सचिव समूहले १३ गोल खाएको हो ।
Advertisement 1
मुख्यसचिव ११ र ट्रेड युनियन ११ बीच भएको मैत्रिपूर्ण फुटबल खेल प्रतियोगिता कार्यक्रममा मुख्य सचिवको समूहले १३ गोल खाएको हो ।
ट्रेड युनियनकर्मीहरुले मुख्यसचिव,सचिवहरुको १३ गोल हानेर पराजय गर्दा मुख्यसचिवहरुको समूहबाट २ गोल हानिएको थियो । मुख्य सचिवको समूहबाट युवा तथा खेलकुद मन्त्रालयका उपसचिव दशरथ बूढाले २ गोल हानेका थिए ।ट्रेड युनियकर्मीहरुका तर्फबाट गणेश बस्नेत र पुण्य ढकालले तीन तीन गोल,कमल खत्री र आशेष तामाङले दुई दुई गोल गर्दा ललिक महर्जन,पुरुषोत्तम रायमाझी र रमेश भण्डारीले एक एक गोल गरेका थिए ।
Advertisement 2
निजमती दिवस मूल समारोह समिति ०८० ले निजामती दिवसको अवसरमा विभिन्न श्रृजनशील र अक्तिरिक्त क्रियाकलाप गरेर मनाइरहेको छ । निजामती दिवसको अवसरमा अन्तरक्रिया,रक्तदान,वृक्षरोपणका कार्यक्रम गर्ने जनाइएको छ ।
