चौथोदेखि आठौं तहसम्मका ४४ कर्मचारी काज फिर्ता,हाकिमलाई हाजिरी गर्न रोक
पोखरा महानगरपालिकाले एकै पटक ४४ जना कर्मचारीको काज फिर्ता गरेको छ । संघीय मामिला तथा समान्य प्रशासन मन्त्रालय र स्वास्थ्य तथा जनसंख्या मन्त्रालयको परिपत्र अनुसार पोखराले एकै पटक ४४ कर्मचारीको काज फिर्ता गरेको हो ।
Advertisement 1
मन्त्रालयको परिपत्र अनुसार एकातिर दरबन्दी राखेर पोखरा महानगरपालिकामा कार्यरत स्वास्थ्य सेवाका ४४ जना कर्मचारीहरु काज फिर्ता गरिएको हो । १ साउनदेखि उनीहरुलाई तलब खुवाउन नमिल्ने र तलब खुवाइएको खण्डमा कार्यालय प्रमुख र लेखाको प्रमुखबाट असुली गरिने परिपत्र पछि साउन १५ बाट पोखरा महानगरपालिकाले ४४ जना कर्मचारीलाई एकै पटक काज फिर्ता गरेको हो । काज फिर्ता भएकामा चौथोदेखि आठौं तहसम्मका कर्मचारीहरु रहेको महानगरपालिकाले जनाएको छ । सातौं र आठौ तहका एक एक जना कर्मचारी रहेका छन् ।
महानगरपालिकाका सूचना अधिकारी किरण प्रसाद कोइरालाका अनुसार काजमा कार्यरत स्वास्थ्य महाशाखा प्रमुख कृष्णप्रसाद अर्यालसमेत काज फिर्तामा परेका छन् । उनीसहित ३४ र समायोजन भएर रमाना लिनुपर्ने ७ जना गरी ४४ जना कर्मचारीलाई काम नगराउन महानगरपालिका प्रशासन शाखाले महाशाखालाई पत्र पठाएको छ । उनीहरूलाई पोखरामा हाजिर गर्न पनि मंगलबारदेखि रोक लगाइएको छ ।
Advertisement 2
काजमा आएकाहरू गोरखा, तनहुँ, लमजुङ, बागलुङ, सिन्धुपाल्चोक, पर्वत, पाल्पा र स्याङ्जाका कर्मचारीहरु रहेका छन् ।
