कोरोना भाइरस संक्रमणको हटस्पट बन्दै गएको बाँके जिल्ला र नेपालगञ्ज क्षेत्र वरिपरिको अवस्था भयावह बन्दै गएको छ ।
नेपालगञ्जको सुशील कोइराला प्रखर अस्पतालमा कार्यरत ९० प्रतिशत डाक्टर र कर्मचारीमा कोरोना संक्रमण देखिए पछि त्यहाँका अस्पताल बन्द भएको छ । अस्पताल प्रशासनले एक सूचना जारी गर्दै अस्पतालमा कार्यरत डाक्टर, स्टाफ नर्स तथा प्रशासनिक कर्मचारीहरुलाई कोरोना संक्रमण पुष्टि भएपछि आकस्मिक सेवाबाहेक अस्पतालका सबै सेवा बन्द गरिएको जनाएको छ । अस्पतालमा कार्यरत सबै कर्मचारीहरुको पिसीआर जाँच गराउँदा ९० प्रतिशतको रिपोर्ट पोजिटिभ देखिएको सो सूचनामा उल्लेख छ ।

Advertisement 1

प्रशासनले अस्पताल एक साताका लागि बन्द गरेको जनाएको छ । बिरामीको सेवामा खटिएका कर्मचारीहरुलाई नै संक्रमण पुष्टि भएपछि बैशाख १२ अर्थात आजदेखि एक सातासम्मका लागि (१८ गतेसम्म)का लागि आकस्मिकबाहेक अन्य सेवा बन्द गरिएको अस्पताल प्रशासनले जानकारी दिएको छ।