अघिल्लो साता सरकारले ३१ सहसचिवको सरुवाको सूची सार्वजनिक गर्यो । राजनीतिमा बढिरहेको उकुसमुकुससँगै बढेको अन्यौलताकाबीच १२ जना सहसचिवको नामावलीबाट सुरु भएको सरुवा सूची ७० जनासम्म सूची पुग्यो । अनि त्यो सूची वालुवाटार पुग्यो । छाँटकाँट भएर आउँदा आधा घट्यो ३५ मा झर्यो । त्यसमा पनि ४ जना पावरफुल सह सचिवहरुले रातारात आफ्नो सरुवा संशोधन गराउन सफल भएका छन् । सरकारले एकै पटक १६ सचिव र ५ दर्जन बढी सह सचिव सरुवा गर्न तयारी गर्दैथियो । त्यसमा हिट लिष्टमा थिए अर्थात तत्कालै हट्ने सूचीमा थिए उनै वैदेशिक रोजगार विभागका हाकिम कुमार दाहाल । सरकारले वाणिज्य तथा आपूर्ति व्यवस्था विभागको हाकिम नेत्र सुवेदी प्रयासलाई सामान्यमा तानेर त्यहाँ प्रकाश पौडेललाई पठायो । प्रकाश अख्तियारमा बसेर आएका । यस्तै सम्पत्ति शुद्धिकरण विभागका हाकिम रुपनारायण भट्टराईलाई चाहिँ सचिव गोपीनाथ मैनालीलाईझैं कारवाहीको डण्डा बर्साइयो । उनलाई प्रम कार्यलयमातहतको सम्पत्ति शुद्धिकरणबाट ठेलेर अर्थमा नल्याइ सिधै राष्ट्पतिको कार्यलयतिर पुर्याइयो । जसरी यसअघि गोपीनाथ मैनालीलाई उपराष्ट्पतिको कार्यलयतिर ठेलिएको थियो ।

Advertisement 1

कर्मचारी वृत्तमा राष्ट्रपति वा उपराष्ट्पतिको कार्यलयतिर ठेलिनुलाई कारवाही गरिएको मानिन्छ । रुपनारायण अर्थका क्याडर हुन् । प्रधानमन्त्रीलाई उनको काममा चित्त नबुझेपछि त्यता ठेलिएको अर्थका कर्मचारीहरु सुनाउँछन् । यता गजेन्द्र ठाकुरलाई प्रम कार्यलयमा तानिएको छ यस्को अर्थ अब उनी सम्भवत रुपनारायणको ठाउँमा जानेछन्, सम्पत्ति शुध्दिकरण अनुसन्धान विभागको हाकिम बनेर । यस्तै काठमाडौंका पहिलाका सिडिओ सहसचिव रामप्रसाद आचार्यलाई रक्षा हुँदै प्रधानमन्त्री तथा मन्त्रिपरिषद्को कार्यलयमा तानिनुको अर्थ उनी अब राजश्व अनुसन्धान विभागको हाकिम बन्नेछन् । दीर्घ मैनालीको ठाउँमा जानेछन् ।

यता राजश्व अनुसन्धान विभागबाट अर्थमा तानिएका मैनालीलाई वित्तीय क्षेत्र व्यवस्थापन तथा संस्थान समन्वय महाशाखा प्रमुखको जिम्मेवारी दिइएको छ ।यसैबीच भन्सार विभागका हाकिम सुमन दाहाललाई मन्त्रालयमा तानेर त्यहाँ यमलाल भुसाललाई पठाइएको छ । यस्तै रामप्रसाद घिमिरेलाई आर्थिक नीति तथा विष्लेषण महाशाखाको जिम्मेवारी दिइएको छ । आनन्द काफ्लेले आन्तरिक राजश्व विभागको उपमहानिर्देशकको जिम्मेवारी पाएका छन् । त्यहाँ शम्भु मरासैनीलाई पनि उपमहानिर्देशकको जिम्मेवारी दिएर पठाइएको छ । त्यस्तै, एयरपोर्ट भन्सारमा लक्ष्मीप्रसाद निरौला खटाइएको छ ।
वालुवाटारको शक्तिका अघि संघीय मामिला तथा सामान्य प्रशासन मन्त्रालय व्याक भएर कुमार दाहाल त्यही टिकेको अहिले मन्त्रालयतिर चर्चा हुन थालेको छ । सरकारले लामो रस्साकस्सीपछि ३१ सहसचिवको सरुवा गर्दा हिट लिस्टमा थिए कुमार दाहाल । वैदेशिक रोजगार विभागको डिजी ।मन्त्री गौरीशंकर चौधरी र हाल श्रमबाट अख्तियारमा पुगेका सचिव तोयम रायसँग सम्बन्ध विग्रिएकै कारण उनको सरुवा हुँदै थियो । प्रधानमन्त्रीका सल्लाहकार प्रयोग गरेर उनले सरुवा हुनबाट रोकेका हुन् ।   बालुवाटारको शक्तिका अघि कसको के चल्थ्यो र ? रातारात त्यही शक्ति प्रयोग गरेपछि संघीय मामिला तथा सामान्य प्रशासन मन्त्रालय ब्याक भयो र उनको सरुवा संशोधन भयो ।
आफ्नो सरुवा संशोधन गराउने खेलो फड्को सफल भएपछि हालै मात्र सार्वजनिक खरिद अनुगमनको कार्यालयबाट श्रमतिर तानिएका सचिव सूर्य गौतमसँग कुरा मिलाउने प्रयासमा छन् । यसरी सरुवा संशोधन गराउनेचाहिँ कुमार एक्ला होइनन् । संघीय मामिला तथा सामान्य प्रशासन मन्त्रालयले महिना दिनदेखि नै ७० सहसचिवको सरुवाको सूची तयार पारेको थियो । त्यसमा संशोधन हुँदै ३५ बाट झरेर सूची निस्कँदा ३१ जनाको मात्र सरुवा भयो ।