प्रधानमन्त्री प्रचण्डको निजी सचिवको जिम्मेवारी निर्वाह गर्दै आएका सहसचिव नवराज ढुंगनालाई राजश्व अनुसन्धान विभागको महानिर्देशकको जिम्मेवारी दिइएको छ ।
चार महिना अघि त्यहाँका महानिर्देशकको जिम्मेवारी सम्हाल्न पुगेका नारायण सापकोटालाई प्रधानमन्त्री तथा मन्त्रिपरिषद्को कार्यालयमा तानेर त्यहाँ ढुंगनालाई खटाइएको हो ।
प्रधानमन्त्रीको निजी सचिवमा उपसचिव तहका कर्मचारीलाई खटाइदै आएकोमा प्रचण्डले क्रमभंग गर्दै ढुंगनालाई सचिवालयमा भित्राएका थिए । उनलाई यताबाट पुल्चोकस्थित राजश्व अनुसन्धान विभागमा खटाइएको हो ।

Advertisement 1

ढुंगानालाई महानिर्देशक बनाएर पठाइएसँगै हाल प्रधानमन्त्री तथा मन्त्रिपरिषद्को कार्यालयमा अतिरिक्त समूहमा रहेका अर्जुन भण्डारीलाई अति प्रधानमन्त्रीको निजी सचिवमा लगिएको छ।

उपसचिव रहँदा रसुवाको प्रमुख जिल्ला अधिकारी, गृह मन्त्रालयको लागूऔषध नियन्त्रण शाखा, केही महिना अर्थ मन्त्रालय, कर्जा निक्षेप तथा सुरक्षण काेष, अर्थ मन्त्रालय हुँदै प्रधानमन्त्री कार्यालयमा जिम्मेवारी कुशलता पुर्वक निवाह गरेका थिए ।  उनी सिडिओ रहँदा गृह मन्त्रालयको मूल्याङ्कनमा उत्कृष्ट तीनमा परेका थिए ।

Advertisement 2

भन्डारी दुर्गम जिल्ला रुकुमको मुसिकोट न.पा. १ मा जन्मिएका हुन् । २०७४ मा लोक सेवा आयोगबाट उपसचिव र २०७९ चैत २० मा पहिलो नम्बरमा नाम निकाल्न सफल उनी २० वर्षअघि अर्थात २०६० साल भाद्र ११ मा खरिदारबाट निजामती सेवामा प्रवेश गरेका हुन् ।