वाणिज्य, आपूर्ति तथा उपभोक्ता हित संरक्षण विभागले पाँच फर्मलाई कारवाही गरेको छ । नियमित अनुगमनका क्रममा विल विजक जारी नगरेको भन्दै न्यू प्लाजाको खाद्यवस्तुलाई ५ हजार जरिवाना गरेको छ ।

Advertisement 1

आफ्नो कारोवारको विल विजक जारी नगरेको भन्दै कारवाही गरेको विभागका प्रवक्ता होमनाथ भट्टराईले बताए । त्यसैगरी न्यू प्लाजाको खाद्यवस्तुलाई पनि आफ्नो कारोवारको विल विजक जारी नगरेको भन्दै ५ हजार जरिवाना गरेको छ । घट्टेकुलोको मदिरा तथा सूर्तिजन्यलाई उजुरीको आधारमा आफ्नो कारोवारको विल विजक जारी नगरेको भन्दै २० हजार जरिवाना गरेको छ ।

न्यूरोडको रेडिमेट तथा थान कपडालाई पनि नियमित अनुगमनका क्रममा विल विजक जारी नगरेको भन्दै १० हजार जरिवाना गरेको छ । सुर्यविनायक तरकारी तथा फलफूललाई आफ्नो कारोवारको विल विजक जारी नगरेको भन्दै १० हजार जरिवाना गरेको छ । मूल्यसूची नराख्ने, इजाजतपत्रको कागजात पसलमा नराख्ने, इजाजतपत्र नवीकरण नगर्ने, कतिपयले इजाजतविनै पसल सञ्चालन गर्ने, मूल्यमा ठगी गर्ने, रि–लेबलिङ गर्नेलगायतका कैफियत भेटिने गरेको विभागले जनाएको छ।